MAZMUR 51:4 - KITAB NU TUMPU ALLA LELE MA'IMAI'

⁴ Baso'iakon mae na palabuatanku anu ma'idek; pobelesi'akon mae na dosa'ku.

MAZMUR 51:4 ပူးပေါင်းရင်းမြစ်များ

KAJADIAN 20:6

Sahingga Tumpu Allah nontaamimo i uno nu ipionnyo aijo', “Memang Ku sumbu' na beleyum nolakukanmo han aijo' kinyonyoaum ma'ima' hondo. Kalana aijo' tinewa'-Kumo na beleyum boli mombau dosa' hi beleng-Ku, ka' madi' pinojohok-Ku na beleyum nongkanyang boune aijo'.

KAJADIAN 38:7

Kalakuan i Er ma'idek hondo, sahingga Tumpu pinusamo hi ia ka' pinateannyomo.

KAJADIAN 39:9

I aiya kuasangku pokakanamo tiba kodaka'nyo nu kuasanyo. Madi' ko sa'angu' pe'e na madi' pinotoongnyo hi belengku, panyo belento bengkele' nu tomundo na madi' ahi'. Te toho' mule' aku mombau palabuatan anu ma'idek aijo', ka' moko baladosa' hi Tumpu Allah?”

KAJADIAN 9:6

Manusia pinotimbali mo susumo Aku; kalana aijo' ihe na mompatei manusia, ia suele opatei nu manusia.

2 TOMU-TOMUNDO' 17:17

Aha nonsombahkonmo to ana-anak nu aha salaku koloban anu opotunu osombahkon hi pilogot. Aha mompake ilimu' anu madi' otoa ka' momoita da nupotiju' nu to sando-sando anu timbali potataean nu to tomi-tominuat. Aha mongka'ima'i hondo mombau hahan anu madi' nuka'ima'i nu kinyonyoa nu Tumpu,

2 TOMU-TOMUNDO' 21:6

Anaknyo sinombahkonnyomo salaku koloban anu pinotunu. I Manasye mule' lewa'mo binasando monggulu'i pangatahuan anu toto ide-idek, ilimu' anu madi' oto-toa, ka' lewa' montunde' tominuat. Ia binaladosa'mo hondo hi Tumpu sahingga ia notambuha'mo hondo.

MAZMUR 50:4

Ilaganyomo na langit tiba tano' da nu sakisi nu aha na Ia momputusi palakala nu mian anu palesayamo hi Ia.

MAZMUR 50:6

Langit nompoitamo da Tumpu na momputusi palakala nu mian anu palesayamo hi Ia ka' da Iamo ahi' na timbali mian kopiannyo.

YESAYA 43:25

Panyo Aku ahi' Tumpu na nohapusmo dosa' nu beleyum, Aku mongampunimo beleyum kalana sumo aijo'mo nakinyonyoang-Ku; Aku madi'mo daagi' sola' monginau dosa' nu beleyum.

IMAMAT 5:19

Aijo'mo na koloban bau polugi'i kalana kasala'an anu binaunyomo hi Tumpu.

LUKAS 15:21

‘Papa,’ tukoonyo nu anak aijo', ‘aku binala dosa'mo i ahop nu Tumpu tiba hi Papa. Madi'mo nukona na aku osanggohi anak i Papa.’

LUKAS 7:29

Iwi-iwi' na mian – tiba topo tage hasin – nohongo i Yesus nontaloakon han aijo'; ahamo na to mia-mian anu montulutimo palentah nu Tumpu, ka' mongka'oho'mo opalamandikan i Yohanes.

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

ROMA 3:4

Tantu misa'! Kalana manasamo Tumpu saja' totu'u, mau mule' batu-batu mian baleko'. I uno nu Kitab nu Tumpu tinulis, “Kahanda'nyo beleyum saja' o toa totu'u apaa na anu tinaloakonum, ka' mule' beleyum untung de tempo'nyomo oputusi na beleyum.”

YAKOBUS 2:11

Kalana anu nonontaloakon, “Boli masala',” ia-iamo ahi' suele na notatae, “Boli mompatei.” Jadi, de komiu madi' masala', panyo mompatei, makia' komiu suele nolanggaimo ahi' atulan.

YAKOBUS 2:9

Panyo de komiu madi' mompokakanakon mian, ka' ola mule' mombatuki adat nu dunia, komiu nombaumo dosa' ka' atulan nu Tumpu Allah momponyata'mo saba' komiu atina' nolanggaimo atulan.

ANU PINOTO'I HI YOHANES 16:5

Aku nohongomo malaikat anu mongkuasai uee notatae, “Hukuman anu binee'mo nu Belento atina' adin, memang Talalo hondo sisi', Tumpu anu daagi' ka' anu polo-polo'mo daagi'!

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.