MAZMUR 51:19 - KITAB NU TUMPU ALLA LELE MA'IMAI'

¹⁹ Koloban anu osombahkon hi Tumpu te kinyonyoa anu nohintutumo, kinyonyoa anu ta'aluk ka' balatobatmo yo madi' nu sangka anu Belento.

MAZMUR 51:19 ပူးပေါင်းရင်းမြစ်များ

2 TOMU-TOMUNDO' 22:19

beleyum nompele-pele'mo ka' nangaku sinala'mo hi beleng-Ku. Pinopobuhuk-Kumo na Yerusalem na hukuman ka' mian anu jojoong i kiijo'. Ku potimbalimo na kota' aijo' sa'angu' na kota' anu okabuhuk hondo de otoa, ka' sanggo Yerusalem ku potimbalimo sanggo anu kinutukan. Panyo salatan beleyum nohongomo anu binau pinompobuhuku aijo', beleyum i humangmo ka' nombea-beakmo baju' salaku tanda sinusa'mo hondo na kinyonyoa nu beleyum. I hongong-Kumo na do'a nu beleyum,

MAZMUR 118:27

Tumpu, aijo'mo na Tumpu Allah, Ia manonong hondo hi kita. Inda mambamo da kita balonda molame'akon ka' montoongi panga' nu kau' ko honnyo, ka' montiikubi mezbah nu Tumpu.

MAZMUR 34:19

Tumpu ohani hi mian anu kinesewamo; ka' momposalamat mian anu madi'mo ko sumangatnyo.

MAZMUR 4:5

Langkakatanmo ahi' ka' pabuhukmo ka' bolimo ahi' mombau dosa'. Soba dudukuhakon hoko-hokot, de komamale'mo i tampat kahoyotan.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

MALEAKHI 3:3

Ia toka mae da momputusimo, susumo mian anu mompobelesi'mo ka' mule' monsopu'mo salaka. Susumo samian na tukang logam monsopu'mo mosoni' tiba salaka, sumo aijo'mo na anu nu utus nu Tumpu monsopu'mo to ima-imam da aha monsombahkon iwi-iwi na koloban mombatuki ahi' apaa na anu nu situjui nu Tumpu.

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.