MAZMUR 51:16 - KITAB NU TUMPU ALLA LELE MA'IMAI'

¹⁶ Poluputakon mae na aku da madi' nu ala nu kapatean, o Tumpu anu momposalamat mae aku, sahingga sanang na kinyonyoangku mombebakon ka'adinan nu Belento.

MAZMUR 51:16 ပူးပေါင်းရင်းမြစ်များ

2 SAMUEL 12:9

Kadaka' beleyum madi'mo nompajuli anu pinalentahkon-Kumo? Kadaka' beleyum nombaumo kalakuan anu ma'idek susumo aijo'? I Uria pinoki patean nu beleyum i uno nu pahampatean; pinobakasmo nu beleyum na ia da pinatean nu aha mian Amon, ka' mule' ingosoanmo nu beleyum na bengkele'nyo.

MAZMUR 40:6

O Tumpu nanjoo'mo hondo na anu binau nu Belento hi kami, O Tumpu, Tumpu-ngku, Belento madi' ko anu mompokakanai! Nanjoo'mo na anu tinanga'an nu Belento nonompobangangmo kami, madi'mo opoko ala osisik iwi-iwi'.

MAZMUR 50:8

Misa' kalana koloban nu belemiu sahingga Ku tudu'mo na belemiu; koloban anu opotunu nu belemiu na saja' ahi' daagi' aiya i ahop-Ku.

MAZMUR 51:6

Hi Belentomo, hi Belentomo na binaladosa'anku, ka' binaungkumo na anu nu anggap nu Belento ma'idek. Sahingga konanyomo ahi' na Belento mohukumo mae aku, adin memang na kaputusan nu Belento.

MAZMUR 71:15

Sansina-sinaa ku sisikakon apa-apaa na palabuatan nu Belento anu adin, ka' kasalamatan anu lengkat mae hi anu madi'-Mo opoko ala obilang.

NOSABATMO 21:14

Panyo de ihe-he na talalomo puuson ka' montotonggolakonmo mompatei mian sangga'at, lapas aijo' malai mamba i mezbah-ngKu da boli opatei, mian aijo' tionyo mamba o ala ikiijo' i mezbah ka' obee'i hukuman opatei.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

AMSAL 21:27

Tumpu madi' sanang i palasombahan nu mian anu palaganta lebe-lebe mule, de monsombahkon aijo ko makisud ma'idek.

YEREMIA 7:27

Lapas aijo' Tumpu notataemo, “Kalana aitu o Yeremia, maumo ahi'beleyum mompoto'i iwi-iwi' aijo' hi aha mian anu palesayamo hi beleng-Ku, aha madi' ahi' mompalahatikan potatae nu beleyum. Maumo ahi' nu laga nu beleyum na aha, madi' ahi' nu taami nu aha.

HOSEA 6:6

Lebe Ku ka'ima'i, hi belemiu da monsumbu' mae Aku, ka' saja' ahi' mongkalibosi mae Aku, nulingkudui na mompapui ka' monsombahkon koloban hi beleng-Ku.

NOMBILANGMO 15:27

De samian na baladosa' kalana madi' tinotonggolakon, saba' ia tionyo ahi' mongkolobanakon sa'angu' na mee' behenyo anu umunnyo sataunmo bau koloban pongampuni dosa'.

NOMBILANGMO 35:31

Samian na topo patei hukumannyo tionyo ahi' opatei. Ia madi' timbali montobus hukuman aijo' nu doi.

PO'ULE' INGULIT 22:22

De samian na mo'ane o hakop hau-haunyo ia noduhusmo tiba bengkele' nu mian sangga'at ua ua'aha tionyo ahi' o hukum mate. Tiba jalan anu susumo aijo' belemiu mombaumo sonto' da bolimo ko anu mombau anu ma'idek susumo aijo'.

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.