MAZMUR 51:15 - KITAB NU TUMPU ALLA LELE MA'IMAI'

¹⁵ Sahingga ku ajanakonmo na palentah nu Belento hi mian anu baladosa', da aha po ule'mo minsusule' hi Belento.

MAZMUR 51:15 ပူးပေါင်းရင်းမြစ်များ

KAJADIAN 44:16

“Apaa na anu daagi' otaloakon mami o Tuanku?” Tinaaman i Yehuda. “Mosia na kami timbali monggagakon ka' mompototu'u butong mami? Tumpu Allah nompotoamo kasala'an mami. Uuka aiya kami iwi-iwi' timbalimo posaihon nu belento Tuan, misa' ola hi ia anu pinohumpakan mangko' aijo'.”

MAZMUR 119:13

Ku daka-daka'i na potatae mompoto'i iwi-iwi' na atulan anu binee'mo mae nu Belento.

MAZMUR 9:14

Toa mae, na sampobali'ku monsansalamo aku; kalibosiakon mae na aku, o Tumpu, po'uhanakon mae na aku da boli silaka,

NOSABATMO 4:11

Tumpu notataemo hi ia, “Ihe na nombee'i nganga' hi manusia? Ihe na nompotimbali ia momo' kabai mabongon? Ihe na nompotimbali ia moko ala montoa kabai mapisok? Te misa' Aku, Tumpu?

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

YEHEZKIEL 29:21

De han aijo' jadimo, Aku mompojadimo Israel bansa anu mahoson hondo ka' mompobee'mo beleyum Yehezkiel, motatae bebasmo sahingga iwi-iwi' na mian timbalimo mompotombihing beleyum. Sahingga nu sumbu'je nu aha taalu Akumo ahi na Tumpu.”

YEHEZKIEL 3:27

Saidi' mae de Aku po ule'mo motatae hi beleyum ka' po ule'mo mombee' kahosonan nu beleyum da timbalimo motatae, beleyum tionyo ahi' mompotokakonmo apaa na anu Ku poto'i, Aku, Tumpu Anu Matangkas na Kuasanyo mompoto'i hi aha. Sambahagian na aha aijo' saidi' mae mompotombihing, panyo sambagian mule' na madi' ahi' kalana aha memang bansa anu saja' motomuhuk.”

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

MATIUS 22:12

Lantas ia nompokilawa hi mian aijo', ‘Sangalu, mosia na beleyum timbali minsoop i aiya madi' nompake pakean nu bau-bauon?’ Mian aijo' madi' noko ala nontaloakon apa-apaa.

MARKUS 7:34

Lapas aijo' i Yesus nontihanga langit, lantas tinolo usa hoso-hoson ka' notatae hi mian aijo', “Efata”, anu alati'nyo, “Tinabuka'mo!”

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.