MAZMUR 51:14 - KITAB NU TUMPU ALLA LELE MA'IMAI'

¹⁴ Po'ule' mae polame' na aku kalana kasalamatan anu lengkat mae hi Belento bee'i mae na aku kinyonyoa anu mongka'oho tulu-tulutan hi Belento.

MAZMUR 51:14 ပူးပေါင်းရင်းမြစ်များ

KAJADIAN 42:22

Notatae na i Ruben, “Te misa' u'utu mae tinaloakonkumo hi komiu da anak aijo' boli opoposia, panyo belemiu madi' mongka'oho' mohongo. Ka' uuka aiya ia sinilakamo jadi obalosakonmo hi kita.”

KAJADIAN 9:6

Manusia pinotimbali mo susumo Aku; kalana aijo' ihe na mompatei manusia, ia suele opatei nu manusia.

2 SAMUEL 12:9

Kadaka' beleyum madi'mo nompajuli anu pinalentahkon-Kumo? Kadaka' beleyum nombaumo kalakuan anu ma'idek susumo aijo'? I Uria pinoki patean nu beleyum i uno nu pahampatean; pinobakasmo nu beleyum na ia da pinatean nu aha mian Amon, ka' mule' ingosoanmo nu beleyum na bengkele'nyo.

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

2 SAMUEL 3:28

Salatan ihongomo i Daud na han aijo', ia notataemo, “Belento tumpu na monsumbu' saba' aku tiba aha mian da'isan madi' hondo-hondo ko kasala'an i han nompateimo i Abner aijo'.

EZRA 9:13

Kami binaladosa'mo ka' madi'mo nontapali atulan nu Belento ka' belento nohukumo kami. Panyo osumbu' mami, o Tumpu Allah mami, saba' hukuman anu binea'mo nu belento aijo' madi' pokakana na koboat-nyo tiba anu sabenannyo halus otalima mami padahan ola mule' ahi' pinosalamat nu Belento na kami.

NEHEMIA 9:33

Kaputusan nu Belento adin, Belento nohukumo kami anu binaladosa'mo; Belento sabole-bole ahi' monginau' kami, maumo kami saja'mo nongoa'i kasansala'an.

MAZMUR 25:5

Pokinde'i mae ka' potinganakon mae na aku da tumuu' mombatuki pongka'oho' nu Belento, kalana Belentomo na Tumpu anu momposalamat aku, aku saja' montaha'imani Belento.

MAZMUR 26:9

De mompateimo mian anu baladosa', boli tibamo aku na opatei, kabai monggautmo nyawa nu mian anu saja'mo nombubusakon, baso' boli tibamo nyawangku na ogaut.

MAZMUR 35:28

Sahingga ku bebakonmo na ka adinan nu Belento, ka' mompuji'mo Belento sansina-sinaa.

MAZMUR 38:22

O Tumpu boli opala'i na aku, boli matikojo'on aiya hi belengku o Tumpu-ngku.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

MAZMUR 68:20

Opuji' na Tumpu, kalana Iamo na Tumpu anu momposalamat kita; sansina-toka sansinaa n simbu na kolononto.

MAZMUR 88:1

Nyanyian. Mazmur nu aha sa'anakan mae i Korah. Anu mongkapalai panyanyi. Ingala i lagu nu nyanyian: Mahalat Leanot, Nyanyian pangajalan i Heman, mian nu Ezrahi.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

YEHEZKIEL 33:8

De Kupoto'imo saba' daagi' ko samian anu palabuatannyo ma'idek saidi' mae silakamo, panyo beleyum madi' mompokinde'i ia da ia madi'mo lewa' mombau palabuatannyo ma'i-ma'idek aijo' sahingga ia salamat, saba' ia silaka daagi' ahi' susumo mian anu baladosa'. Panyo ia sinilaka aijo' Ku tuntutmo hi beleyum.

DANIEL 9:16

Belento nontulungimo mae kami tempo'nyo naipuan mae, kalana aijo' bolimo daagi' otambuha'i na Yerusalem kota' nu Belento, puge'nyo nu Belento anu susi'. Kalana dosa' mami tiba palabuatan anu ma'idek nu mompolee' mami sahingga iwi-iwi' na mian anu aitu mae mompaha ohani tiba kami montoa Yerusalem madi'mo ko angga'nyo ka' mule' kona hi aha mian anu palesayamo hi Belento.

DANIEL 9:7

O, Tumpu kaputusan nu belento saja' kona ka' adin, panyo kami saja' hondo mombau anu moko ambang hi posi butong mami, aijo'mo kami iwi-iwi' na mian anu sa'a-sa'angu' na bansa tiba kami anu binagi-bagimo nu belento iyaya na lipu' anu majo'on ka' anu ohani kalana aha madi' tulu-tulutan hi Belento.

HOSEA 4:2

Aha binasumpa'mo, panyo aha madi' mongganapi; aha baleko', mompatei, montomang ka' masala'. Palabuatan ma'idek mompaka pintuangmo ka' mompatei saja'mo obau.

HABAKUK 3:18

aku ola ahi' saja' lame' kalana Belento Tumpu na anu momposalamat aku.

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”

SISIKON NU TO RASUL-RASUL 20:26

Mokonyo aitu totu-totu'u hondo na kutaeyakon hi komiu sinaa uuka aiya, saba' de daagi' ko anu atina' hi komiu silaka saidi' mae, atina' misa' sala'ku.

ROMA 10:3

Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.