MAZMUR 51:11 - KITAB NU TUMPU ALLA LELE MA'IMAI'

¹¹ Posiloimo na ohup nu Belento ka bolimo mae montoa iwi-iwi na dosa'ku, ka' sautimo iwi-iwi' na kasala'anku.

MAZMUR 51:11 ပူးပေါင်းရင်းမြစ်များ

KAJADIAN 4:14

Belento nolaa'mo aku mosabat i tano' aiya, majo'onmo i tampat aiya anu saja' katokaan nu Belento. Aku timbalimo anu mahalajangan anu madi'mo ko tampat kajojoongan i dunia aiya, ka' maumo pa' ihe na mian mompateimo aku de nukabot nu aha na aku.”

KAJADIAN 6:3

Sahingga notataemo na Tumpu, “Aku madi'mo situju manusia tumuu' sampe toka sidu-sidutu'; aha anu ko nyawanyo madi'mo tumuu' sampe toka sidu-sidutu', aha tionyo ahi' silaka. Otampu'uni uuka aiya umun nu aha madi'mo molabii 120 na taun.”

2 SAMUEL 7:15

Panyo Aku tataap mombau ka'ima'an hi ia susumo anu jinanji'-Kumo. Apaa na anu jinanji'-Kumo hi ia sabole-bole Ku toongi, madi' susumo anu binaung-Kumo hi Saul, ia pinobelenting-Kumo ipangkatnyo da beleyumo na timbali tomundo'.

2 TOMU-TOMUNDO' 13:23

Panyo Tumpu nolibosmo hi mian anu pinalesayamo hi Ia ka' nongampunimo aha. Ia madi' mompojohok aha opatei, panyo montulungi aha kalana monginau' palajanjiannyo hi Abraham, anak i Ishak ka' hi Yakup. Sampe tempo' uuka aiya, Ia madi' mongkolilimi mian anu pinalesayamo hi Ia.

2 TOMU-TOMUNDO' 23:27

Tumpu notatae, “Apaa na anu toho'mo binaungku hi aha Israel Ku bauje hi aha Yehuda. Mian nu Yehuda Ku boamo ka' opojoongje i lipu' anu Ku bee'je hi aha. Aku madi'mo nontalima Yerusalem, kota' anu pinile'an-Kumo, ka' suele Laigan-Ku aiya susumo anu tinaeyakon-Kumo baumo tampat ponsomban Aku.”

2 TOMU-TOMUNDO' 24:20

Tumpu pinusa hondo hi mian anu jojoong i Yerusalem ka' hi aha mian nu Yehuda, sahingga Ia madi'mo nongkali-kaliang aha.

MAZMUR 43:2

Belentomo na Tumpu, anu monjagai mae aku; kadaka' Belento nompala'imo aku? Kadaka' aku me saja' mongoa'i sansala', kalana talalomo ahi' na pombau mae nu aha anu monsampobali' mae aku?

MAZMUR 71:18

O Tumpu, boli opala'i na aku, sangkut aku langkai'mo ka' bengkele'mo ka' uanonmo, da kabaanian ka' kuasa nu Belento ku bebakon, hi iwi-iwi' na tulunan anu aiya mae i ahop.

MAZMUR 71:9

Boli ola aku nu'alin nu Belento de aku langkai'mo kabai Bengkele'mo, boli opala'i na aku de aku madi'mo mahoson,

YEREMIA 7:15

Belemiu saidi' mae Ku laa'mo da bolimo ko anu aiya i ahop-Ku susumo Aku nolaa'mo to utu-utus nu mompolee' nu belemiu mian nu Israel.”

LUKAS 11:13

Mau mule' komiu ma'idek, komiu ahi' monsumbu' mombee' anu ma'ima' hi anakum. Apaa mule' Tuuma i suluga'! Ia mombee' Roh-Nyo hi aha anu momoita hi Ia!”

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

ROMA 1:4

panyo salaku Tumpu Ia memang Anak nu Tumpu. Aijo' nyata' i kuasa anu madi' ko gampanyo kalana mau sinilakamo na Ia panyo po'ule' tinumuu'.

ROMA 8:9

Panyo komiu madi' tumuu' mombatuki sipat nu mian. Komiu tumuu' mombatuki pongka'oho' nu Roh nu Tumpu – de memang, Roh nu Tumpu totu-totu'u montoongi kuasa i uno nu butongum. Mian anu madi' ko Roh i Kristus, mian aijo' misa' i Kristus na tumpunyo.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

2 TESALONIKA 1:9

Mian haha aijo' montalimamo hukuman kapatean anu sampe toka sidu-sidutu', nu alinmo nu Tumpu i sambiha'nyo ka' nusabatakonmo i kuasa-Nyo anu talasanggo;

TO MIA-MIAN KOPIAN 13:25

ka' tempo'nyo ia jinojoongmo i kemah nu aha tulunan nu bansa Dan, anu kiijo' i olot nu Zora tiba Esytaol, Roh nu Tumpu nombee'imo kahosonan hi ia.

TO MIA-MIAN KOPIAN 15:14

Salatan i Simson binoamo ka' tinokamo i Lehi, aha mian nu Filistin singkapmo mae tinoka ka' nontaligalai ia. Monti-montiik ia nahosonmo kalana kuasa nu Tumpu. Kahohon haha aijo' anu pinompungu limanyo binotu-botu'nyo pokakanamo sumo anu notoyo' na kahohon aijo'.

TO MIA-MIAN KOPIAN 16:20

Lantas ia nolobo'mo, “Simson! Mian nu Filistin tinokamo me!” I Simson nobulamo ka' pa' kokoonyo ia daagi' moko ala gawe susumo uuka mae. Madi' sinumbu'nyo saba' Tumpu nompala'imo ia.

1 SAMUEL 10:10

Salatan i Saul tiba posaihonnyo tinokamo i Gibea aha siningkabotmo tiba sanggombu na to nabi-nabi. Tempo'nyo aijo' i Saul kinuasanmo nu Roh nu Tumpu Allah sahingga ia suele lewa'mo nonsalelei ka' nolo'ais susumo nabi haha aijo'.

1 SAMUEL 16:14

I Saul pinala'ianmo nu Roh nu Tumpu, ka' uuka aiya ia saja'mo nu soku'i nu roh anu ma'idek anu nu sai mae nu Tumpu.