MAZMUR 50:23 - KITAB NU TUMPU ALLA LELE MA'IMAI'

²³ Mian anu monsombahkon bau pontalima kaseh salaku bau kolobannyo, ia aijo' na moholomati Aku; ka' mian anu momposadiai jalan da kajalanan-Ku Ku potiju'je hi ia na kasalamatan anu lengkat aiya hi beleng-Ku.”

MAZMUR 50:23 ပူးပေါင်းရင်းမြစ်များ

MAZMUR 120:1

Nyanyian mamba i tampat anu ko balakatnyo I uno nu kasusa'anku, aku nongkakasemo momoita tulung hi Tumpu, ka' tinaamannyomo mae na aku.

MAZMUR 22:23

Apa-apaa na anu nubau nu Belento tionyo ku sisik hi to utu-utusku; de mompahasingka-singkabotmo tiba to mia-mian anu palesayamo hi Belento ku puji-puji'mo na sanggo nu Belento.

MAZMUR 25:14

Tumpu bela' nu mian anu palesayamo, Ia mompoto'i pa' apaa na nu kahanda'i hi aha.

MAZMUR 27:6

Uuka aiya aku inguntungmo na nahampate nongewa sampobali'ku anu nontikubimo mae aku; jadi aku nontaligalaimo kalana ilame'mo, ka' sinombahkonkumo na koloban bau pontalima kaseh i Lagian nu Belento; aku manyanyimo ka' mompuji'mo Tumpu.

MAZMUR 34:5

Aku binalado'amo hi Tumpu, ka' tinaaman-Nyomo mae ka' madi'mo aku nabuhuk i iwi-iwi na anu okabuhuk.

MAZMUR 85:13

Tumpu mombee'imo mae anu ma'ima', sahingga tano' to mombee'imo hasinnyo.

MAZMUR 85:9

Aku nohongomo potatae nu Tumpu; ia nonjanji'mo ka'ima'an nu kantumuu'an hi kita, mian anu palesayamo hi Ia, asan kita bolimo po'ule' mombau dosa'.

MAZMUR 86:12

Aku montalima kase hi Belento, totu-totu'u hondo na kinyonyoangku, o, Tumpungku; aku mompuji'mo kakuasa'an nu Belento sampe toka sidu-sidutu'.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

MAZMUR 91:16

Ia tionyo ahi' Ku po'osa nu umun panjang ka' Ku posalamatmo.”

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

LUKAS 2:30

Kalana posi matangku, aku nontoamo Anu Momposalamat lengkat hi Belento.

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

SISIKON NU TO RASUL-RASUL 11:14

Ia nompotokamo hi komiu lele anu momposalamat beleyum ka' to utu-utusum.’

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

ROMA 15:6

Kalana tumuu' sambuku na kita moto Utus iwi-iwi' hingga-hinggat moko ala mompuji' Tumpu, Tuuma nu Tumpunto i Yesus Kristus.

ROMA 15:9

I Yesus suele nompotimbalimo to bansa-bansa sangga'at nompopodaka' Tumpu, kalana ka'ima'an nu kinyonyoa-Nyo hi aha. I uno nu Kitab nu Tumpu tinulismo sumo uuka, “Mokonyo aijo' aku mompuji'mo Kita Tumpu aijo' hi aha to bansa-bansa, aku monyanyije pompuji' sanggon-To.”

GALATIA 1:24

Sahingga aha nompuji'mo Tumpu kalana aku.

GALATIA 6:16

Kona hi to mia-mian anu tumuu' sipatnyo sumo aitu, ka' sumo aitu mule' kona hi iwi-iwi' mian anu palesayamo hi Tumpu Allah, kutaha'imani Tumpu mombee'ije ka'ima'an ka' balakat-Nyo.

FILIPI 1:27

Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

YAKOBUS 3:13

De itina' hi komiu daagi' ko mian anu pande ka' manonong, tionyo ahi' anu ma'ima' aijo' nu potoa i uno nu kantumuu'annyo, ka' mombau ahi' hahan anu ma'ima', anu ososapi'i nu kinyonyoa madi' ko bubuun ka' pande.

1 PETRUS 1:15

Panyo, tionyo ahi' komiu susi' i iwi-iwi' na han anu obau nu belemiu, pokakana sumo Tumpu anu molagamo belemiu aijo' susi'.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.