MAZMUR 50:22 - KITAB NU TUMPU ALLA LELE MA'IMAI'

²² Soba palahatikan, belemiu anu mongkolilimi Tumpu; bala ingati mae dumo belemiu Ku silakai, ka' madi' ko anu momposalamat.

MAZMUR 50:22 ပူးပေါင်းရင်းမြစ်များ

2 SAMUEL 22:42

Aha lewa'mo noloboo' panyo madi' ko anu nontulungi mae aha nomoita tulung hi Tumpu panyo Ia madi' nontaami.

AYUB 10:7

Sabenannyo nusumbu' nu Belento na aku aiya madi' ahi kosala'nyo memang totu-totu'u ahi' madi' sala'. Nusumbu' nu Belento saba' mau pe'e samian madi' moko ala momposalamat aku anu atina' i kakuasa'an nu lima nu Belento.

AYUB 8:13

Sumo aijo'mo na mian anu madi' palesaya hi Tumpu. Tumpu Allah nu kolilimimo sahingga madi'mo ko anu nu pitaha-taha'imani.

MAZMUR 10:4

Mian anu baladosa' madi'mo mompajuli Tumpu kalana ia talalo sombong sahingga koonyo madi' ko Tumpu.

MAZMUR 7:2

O Tumpu-ngku, aku mihohung hi Belento; posalamat mae ka' polapas mae na aku hi iwi-iwi' na mian anu mololoi' mae aku.

MAZMUR 9:17

Tumpu nompotoamo butong-Nyo kalana kaputusan-Nyo anu adin hondo. Mian anu ma'idek na kinyonyoanyo nohumpakmo hukuman sinaduakonmo nu anu pinosi baunyomo.

MAZMUR 9:18

Silaka aijo'mo na kahimpusannyo nu mian anu ma'idek na kinyonyoanyo, to bansa-bansa anu madi' mompajuli Tumpu.

ANU MOMPOLELE POTATAE NU TUMPU 7:14

Jadi bilahimo ahi' de beleyum nohumpakmo dale'. Panyo de beleyum nu tokaimo nu balaa' boli okolilimi saba' Tumpu nombee'mo ohu-ohua' aijo'. Apaa na anu jadi mule' madi' osumbu'to.

YESAYA 51:13

Tetoho' mule' beleyum mongkolilimi Tumpu anu Nompotimbalimo beleyum anu nombokamo langit ka' nompokokomo lananyo nu tano'? Kadaka' beleyum sansina-sinaamo na mabuhuk hi kabaanian nu anu saja' monsansala ka'kokahanda'mo mompatei? Memang kabaanian nu aha aijo' madi' mompoposia beleyum.

YEREMIA 2:32

Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

YEHEZKIEL 18:28

Ia nongakuimo kasala'annyo ipalabuatannyo anu ihukuhakonmo lantas madi'mo sola' mombau dosa'. Tiba jalan anu sumo aijo' ia madi'mo silaka, panyo tataapmo tumuu'.

HOSEA 13:8

Ku sa'umo na belemiu susumo beruang anu no lapusmo na anaknyo. Ku bea-beakmo na belemiu. Susumo singa Ku sa'umo na belemiu itampat nu belemiu, ka' susumo binatang anu bahangihi' mombea-beakmo butong nu belemiu.

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

HOSEA 5:14

Susumo singa montumbuhi sumo aijo'mo na Aku montumbuhi mian nu Israel tiba Yehuda. Posi Akumo na mombea-beak aha lantas Ku pala'imo. De Ku hela'mo na aha mamba madi' ko samian pe'e na moko ala mompolapas aha.

AMOS 2:14

Anu talalo hondo malia' na mopadeka', madi'mo ko ala mopalai; anu mahoson madi'mo mahoson. Ka' mian anu baani madi'mo noko posi posalamat butongnyo.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

HAGAI 1:5

Soba palahatikan na ka'ada'an nu belemiu!

LUKAS 15:17

Kinahimpusannyo ia sininsumbu'mo ka' notatae, ‘To mia-mian anu mokalaja hi tuumangku molabi-labi na kaanonnyo, jo aku i aiya mompai patemo nu ohop!

PO'ULE' INGULIT 32:18

Aha madi'mo nontapali anu Nomposalamat aha anu daka' hondo na kuasanyo, nongkolilimimo Tumpu Allah nu aha anu nombee'imo kantumuu'an.

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.