MAZMUR 50:15 - KITAB NU TUMPU ALLA LELE MA'IMAI'

¹⁵ Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 50:15 ပူးပေါင်းရင်းမြစ်များ

2 TOMU-TOMUNDO' 20:2

I Hizkia nobalikmo no ahop nokiijo' i mesen lantas ia binalado'amo.

2 TAWARIKH 20:9

tukoonyo de aha o hukumo kalana aha nombaumo dosa', ka' aha nupahampateakonmo mae nu mian, panyakit anu molele, kabai kasusa'an i anu o kaan tokamo mae, aha timbali toka hi belento ka' tuminjo i ahop nu laigan ponsomban aiya. Maumo aha i uno nu kasusa'an aha timbali balado'a hi belento, ka' belento mohongo ka' montulungi aha.

AYUB 22:27

De beleyum balado'a nu taamimo na beleyum, ka' apaa na anu jinanji'mo nu beleyum hi Ia nubaumo nu beleyum.

MAZMUR 107:19

I uno nu kasusa'an, aha nomoitamo tulung hi Tumpu, ka' Ia nompobebasmo aha da madi'mo mongoa'i sakisa.

MAZMUR 107:28

I uno nu kasusa'an aha nomoitamo tulung hi Tumpu, ka' Ia nompobebasmo aha da madi'mo mongoa'i sakisa.

MAZMUR 120:1

Nyanyian mamba i tampat anu ko balakatnyo I uno nu kasusa'anku, aku nongkakasemo momoita tulung hi Tumpu, ka' tinaamannyomo mae na aku.

MAZMUR 22:23

Apa-apaa na anu nubau nu Belento tionyo ku sisik hi to utu-utusku; de mompahasingka-singkabotmo tiba to mia-mian anu palesayamo hi Belento ku puji-puji'mo na sanggo nu Belento.

MAZMUR 34:5

Aku binalado'amo hi Tumpu, ka' tinaaman-Nyomo mae ka' madi'mo aku nabuhuk i iwi-iwi na anu okabuhuk.

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

MAZMUR 4:2

O Tumpu, Belentomo na anu montinjohi mae aku; taami mae de aku momoitamo tulung. De aku susa'mo, Belentomo na montulungi aku; uuka aiya kalibosiakon mae na aku ka' potombihingakon mae na do'angku.

MAZMUR 50:23

Mian anu monsombahkon bau pontalima kaseh salaku bau kolobannyo, ia aijo' na moholomati Aku; ka' mian anu momposadiai jalan da kajalanan-Ku Ku potiju'je hi ia na kasalamatan anu lengkat aiya hi beleng-Ku.”

MAZMUR 77:2

Pinohosonkumo na aku notatae nongkakase hi Tumpu; pinohosonkumo na aku notatae nongkakase, ka' ia nohongomo mae aku.

MAZMUR 77:3

Tempo'nyo sinusa'mo hondo, aku binalado'amo hi Tumpu; Sampahu-pahu ku hangkat na limangku mokiita' hi Ia madi' aku ma'osa, panyo kinyonyoangku madi'mo mongka'oho' ohase'.

MAZMUR 81:7

“Aku nompasi'akonmo kolonon anu maboat atina' i bikoang nu beleyum, ka' nompengasmo kalanjang anu o kolon atina' totoong i lima nu beleyum.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

MAZMUR 86:7

Tempo'nyo aku sinusa'mo, aku binalado'amo hi Belento, kalana belento montaami mae aku.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

YEREMIA 39:17

Panyo Aku, Tumpu na saidi' mae monjagai beleyum. Beleyum madi' mule' obee' hi to mia-mian anu okabuhuk nu beleyum.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

MATIUS 5:16

Sumo aitu mule' na jingkaum tionyo monjingkai ahop nu mian da aha montoa anu ma'ima', apaa na anu binau miu, lantas mompuji' Tuumaum i suluga'.”

LUKAS 22:44

I Yesus talalomo hondo nongoa'i sansala i kinyonyoa, sahingga Ia nompaka balado'amo totu-totu'u. Liasa'-Nyo sumomo baso' jinumuju' i tano'.]

YOHANES 15:8

De komiu mimbua' manjoo', Tuumang-Ku opopodaka'; ka' desumo aitu komiu totu-totu'u timbali anu saja' mombatuki Aku.

SISIKON NU TO RASUL-RASUL 16:25

Kila-kila tonga' pahu, i Paulus ka' i Silas hau-haunyo balado'a ka' nonyanyi mompuji-puji' Tumpu. To mia-mian nu talungku' sangga'at hau-haunyo mompotombihing aha manyanyi.

YAKOBUS 5:13

De itina' hi komiu daagi' ko anu hau-haunyo susa', tionyo ahi' ia balado'a. De ko anu lame', panyanyi na ia ka' puji' na Tumpu.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.

1 PETRUS 4:14

Komiu mohumpakmo dale' de komiu o jojoa, kalana komiu anu saja' mombatuki i Kristus. Aijo' alati'nyo Roh anu opopodaka', aijo'mo Roh nu Tumpu anu daagi'mo itina' hi belemiu.

TO MIA-MIAN KOPIAN 15:19

Sahingga binuka'mo nu Tumpu Allah na bolo' nu batu anu i bungkutnyo kiijo' i Lehi lantas nosabatmo mae na uee. I Simson nonginumo sahingga po'ule'mo nahoson Mokonyo aitu mata nu uee aijo' sinanggohanmo mata nu uee Hakor. Mata nu uee aiya daagi' kiijo' i Lehi.