MAZMUR 50:14 - KITAB NU TUMPU ALLA LELE MA'IMAI'

¹⁴ Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

MAZMUR 50:14 ပူးပေါင်းရင်းမြစ်များ

AYUB 22:27

De beleyum balado'a nu taamimo na beleyum, ka' apaa na anu jinanji'mo nu beleyum hi Ia nubaumo nu beleyum.

MAZMUR 147:1

Opuji' na Tumpu! Kalana lebe ma'ima' mompuji' Ia, ka' momposanang de monyanyiakonmo bau pompuji' ia!

MAZMUR 22:25

Kalana Ia madi' mongkahegati anu nohumpakmo kasansala'an, ka' madi' mompopo'ise' mian anu sinansala'mo. Ia madi' mongkamaalin mian anu sumo aijo'mo, panyo mohongo, de aku momoita tulung mae hi Ia.

MAZMUR 22:26

De sihukmo na mian aku mompuji'mo Belento, kalana iwi-iwi' apaa na anu binaumonu Belento. I ahop nu mian anu mohongo-hongo Tumpu ku sombahkonmo na koloban anu jinanji'kumo.

MAZMUR 27:6

Uuka aiya aku inguntungmo na nahampate nongewa sampobali'ku anu nontikubimo mae aku; jadi aku nontaligalaimo kalana ilame'mo, ka' sinombahkonkumo na koloban bau pontalima kaseh i Lagian nu Belento; aku manyanyimo ka' mompuji'mo Tumpu.

MAZMUR 50:23

Mian anu monsombahkon bau pontalima kaseh salaku bau kolobannyo, ia aijo' na moholomati Aku; ka' mian anu momposadiai jalan da kajalanan-Ku Ku potiju'je hi ia na kasalamatan anu lengkat aiya hi beleng-Ku.”

MAZMUR 56:12

Aku palesayamo hi Ia, sahingga aku madi'mo mabuhuk, manusia madi' moko ala mombau apa-apaa hi belengku.

MAZMUR 61:8

O'amalakon da ia mompalentah sampetoka sidu-sidutu' salaku tomundo anu pinile'anmo nu Belento o, Tumpu, jagai mae na ia nu kalibosan ka' kanonongan nu Belento.

MAZMUR 65:1

Anu mongkapalai panyanyi. Mazmur i Daud. Nyanyian.

MAZMUR 69:32

Aijo'mo na lebe nu situjui nu Tumpu nu lingkudui na sapi' anu okolobanakon koloban sapi' lakinyo anu daka'.

MAZMUR 76:11

Maumo to mia-mian anu buhingison hi sangko mian mompuji'mo Belento, ka' anu daagi' motambuha' nompusokmo kalung salaku tanda ko anumo sinilaka.

MAZMUR 76:12

Ganapimo na anu jinanji'mo hi beleyum hi Tumpu nu beleyum. Tionyo ahi' iwi-iwi' na bansa anu ohani na kajojoongannyo momboamo palasombahannyo hi Tumpu anu okabuhuk.

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

NAHUM 1:15

Soba toa samian na anu sinai mae tokamo mae montulu iwi-iwi na bungkutnyo momboa mae lele ma'ima' lele inguntungmo na nahampate. O bansa Yehuda lame'akon na sinaa daka' nu belemiu ka' bayanmo na anu jinanji'mo nu belemiu hi Tumpu. Lipu' nu belemiu madi'mo daagi opalentah nu to mia-mian anu ma'idek na kinyonyoanyo. Aha ihansunmo iwi-iwi'.

NAHUM 2:1

O Ninewe Potombihing pe'e mae! Anu mongka'oho' mongidei beleyum ningkotmo! Ojagai na to bente-benteng ponjagaian! Ojagai na jalan! Posadiamo da mahampatemo. (

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

PO'ULE' INGULIT 23:21

De belemiu nonjanji'mo apa-apaa anu obee' hi Tumpu Allah nu belemiu, boli ola saja' konutuko uukaje mae na obee' apaa na anu jinanji'mo aijo', kalana Tumpu Allah nu belemiu saja' sabole-bole momoita, ka' belemiu baladosa'mo de madi' mombee'.

PO'ULE' INGULIT 23:22

Belemiu madi' baladosa' de belemiu madi' nonjanji'mo hi Tumpu.

PO'ULE' INGULIT 23:23

Panyo de belemiu sinanangmo na nonjanji' hi Tumpu Allah nu belemiu, belemiu tionyo ahi' sabole-bole mombee'.

PO'ULE' INGULIT 23:24

De belemiu hau-haunyo lumajang montului ale' nu anggur nu mian sangga'at, belemiu timbali mongkaan bua' nu anggur sainsukup anu opalalui nu belemiu na konjoo'nyo, panyo madi' timbali mongisi i kalanjang.

1 TESALONIKA 5:18

I uno nu han iwi-iwi' tionyo ahi' komiu saja' montalima kase, kalana aijo'mo na anu nu ka'ima'i nu Tumpu hi komiu, sumo mian anu tumuu' mosa'angu' tiba i Kristus Yesus.

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.