MAZMUR 5:9 - KITAB NU TUMPU ALLA LELE MA'IMAI'

⁹ O Tumpu, manjoo' hondo na anu mongewa mae aku! Potiju' mae na aku mombau apaa na anu nu kahanda'i, ka' potiju' mae na jalan nu Belento anu tionyo ahi' ku jalani.

MAZMUR 5:9 ပူးပေါင်းရင်းမြစ်များ

EZRA 8:21

Lantas i sohipi' nu Kaunyo Ahawa aijo' pinoto'ingkumo tukoongku iwi-iwi' tionyo ahi' bapuasa' ka' mangaku kasala'an hi Tumpu Allah. Kami binalado'amo da kami nujagai nu Tumpu hau-haunyo lumajang aijo', ka' montoa mae kami, to ana-anak mami ka' apa-apaa na anu mami.

MAZMUR 27:11

Poto'i mae hi belengku apaa na anu nu kahanda'i nu Belento, o Tumpu, taka' mae na aku ijalan anu hodi', kalana sampobali'ku da'isan hondo.

MAZMUR 51:6

Hi Belentomo, hi Belentomo na binaladosa'anku, ka' binaungkumo na anu nu anggap nu Belento ma'idek. Sahingga konanyomo ahi' na Belento mohukumo mae aku, adin memang na kaputusan nu Belento.

MAZMUR 52:2

salatan i Doëg, mian nu Edom tinokamo mae nompoto'i hi Saul tukoonyo i Daud tinokamo ilaigan i Abimelekh.

MAZMUR 62:4

Sampe toka hipian na belemiu iwi-iwi' montumbuhi anu ola samian anu memo susumo pimpi' anu tinagelemo ka' susumo pagan mesen anu malia'mo motua'?

MAZMUR 62:9

O, bansaku, sabole-boleh Tumpu na bau kataha'imanan sansina-sinaa; bee'mo iwi-iwi' naisi nu kinyonyoa nu belemiu hi Ia, kalana olamo hi Ia na tampat pihohungan.

MAZMUR 64:6

Aha jinunjuhi'mo i tanga'an nu aha anu ma'idek hondo, ka' basale'mo da mompokonamo so'o; koonyo nu aha madi' koanu montoa.

MAZMUR 69:19

Tokamo mae posalamatakon na aku, pobebasmo mae na aku da madi'mo nu silakai nu mian anu monsampobali' mae aku.

AMSAL 29:5

Ihe na mompuji sangko sangalunyo, nompokonamo so'o hi butongnyo.

YESAYA 26:7

Mian anu madi' tageo' na kinyonyoanyo lumajang ijalan anu hodi', kalana Belento Tumpu na nombuka' jalan momona hi ia.

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

MIKHA 6:12

To mia-mian anu kaya i kota nu belemiu mongkabisa'i mian anu kasiasi ka' mule' belemiu iwi-iwi' singkap ahi' baleko'.

LUKAS 11:39

Kalana aijo' Tumpu notatae hi ia, “Memang komiu to mia-mian nu Farisi saja' mombaso'i mangko' ka' lean i sasu sambiha'nyo, panyo i uno nu posi butongum saja' hondo panggaga ka' manjoo' na ka'idekan.

LUKAS 11:44

Silaka na komiu! Komiu sumo kubun anu madi' ko paliasa'nyo, anu nu peja-peja' nu mian kalana madi' nu sumbu'.”

ROMA 3:13

Gogohong nu aha sumo kubun anga-anga'. Pangakali ka' baleko' nu aha mo'ili lengkat mae i jila' nu aha, ka' biwi nu aha monsabatakon pitana', sumo bisa nu ulo.

1 TESALONIKA 2:5

Posi komiumo na monsumbu' saba' madi' kami motatae anu to tami-tami', kabai mongakali ko kahanda' da momposuluk to nia-niat mangoa. Tumpu na sakisi!