MAZMUR 5:10 - KITAB NU TUMPU ALLA LELE MA'IMAI'

¹⁰ Kalana potatae nu anu mongewa mae aku madi' ko anu opalesaya; kinyonyoa nu aha nobuke'mo nu tanga'an anu ma'idek. Potatae nu aha matami' hondo mompai godamo panyo kinyonyoa nu aha kahomo anu mabusik.

MAZMUR 5:10 ပူးပေါင်းရင်းမြစ်များ

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

2 SAMUEL 17:14

Nohongo potatae aijo' i Absalom tiba aha mian nu Israel iwi-iwi' notataemo, “Pokinde' i Husai na lebe ma'ima' molingkudui pokinde' i Ahitofel.” Memang, Tumpumo na nontantukan da boli otuluti na pokinde' i Ahitofel anu ma'ima' aijo' da i Absalom mohumpakmo balaa'.

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

2 TAWARIKH 25:16

“Pomohokot”, na koonyo i Amazia, “De madi' opateimo mami na beleyum! Madi' toho' kami nohangkat beleyum da mompokinde'i i tomundo!” Sahingga nomohokotmo na nabi aijo', panyo ma'isa pe'e ia nomohokot ia daagi' notatae, “Uuka aiya sinumbu'kumo taalu' Tumpu Allah nontantukanmo da osilakaimo na belento Tomundo kalana belento Tomundo nombaumo han anu sumo aijo', ka' kalana belento Tomundo madi'mo nompajuli pokinde'ku.”

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

MAZMUR 10:15

Mian anu ma'idek na kinyonyoanyo tiba mian anu palaganta, pato'akonmo na kakuasa'annyo; hukumo na aha kalana palabuatan nu aha aijo' sampe aha madi'mo daagi' moko ala mombau apa-apaa.

MAZMUR 107:11

kalana aha notomuhukmo hi Tumpu ka' madi'mo nompajuli palentah nu Anu Matangkas na Kuasanyo

MAZMUR 17:13

Tinjomo mae, o Tumpu, ewakonmo na sampobali'ku ka' patundu'mo na aha. Posalamatakon mae na aku nu bajak nu Belento, de aku nulambanimo mae nu mian anu ma'idek na kinyonyoanyo.

MAZMUR 31:18

Boli opojohok mae na aku mohumpak ambang, o Tumpu, kalana aku nongkakasemo hi Belento. Pojohok na mian anu ma'idek na palabuatannyo opopo ambang, ka' hoko-hokot aha mintatau'mo idunia nu mian anu sinilakamo.

MAZMUR 35:26

Sahanyo mian anu sanang na montoa kasansala'anku timbalimo bingong ka' mohumpakmo ambang. Sahanyo mian kobubuun mae hi belengku o'alu ka' opopo ambang.

MAZMUR 55:15

U'utu mae kita mompaha kanaya paing kali-kalibosian, ka' timbali monsombah Tumpu hingga-hinggat i Laigan nu Tumpu.

MAZMUR 66:7

Ia baani hondo na mompalentah ka' kopinnyo, sampe toka sidu-sidutu'. Iwi-iwi' na bansa nujagai nu Tumpu, da anu lewa' mombau gau' ma'idek madi' timbali ko bubuun hi Ia.

MAZMUR 71:13

Bakas da mian anu montumbuhi mae aku opopo'ambangmo ka' osilakaimo. Bakas da mian anu kahanda'mo, monsilakai mae aku, bingongmo ka' mongoa'imo ma'ambang.

MAZMUR 79:12

O, Tumpu, balosakonmo na to bansa-bansa haha aijo' pimpitun lipat, kalana iwi-iwi' na alu anu mompopo'ise' Belento binaumo nu aha.

YESAYA 1:2

Potombihing pe'e mae langit, palahatikan pe'e mae tano'! Tumpu notatae, “To ana-anak anu kinale sangkumo notomuhukmo hi beleng-Ku.

YESAYA 1:20

Panyo de belemiu madi mohongo-hongo Aku, belemiu matemo i uno nu pahampatean. Akumo na Tumpu anu notataemo.”

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

MOHAANGI 1:5

Sampobali' nu aha binilahimo kalana nongkuasaimo. Tumpu nombaumo aha da sinansala, kalana talalomo hondo na dosa'nyo. Mian anu jojoong i kiijo' i hakopmo, ka' binoamo i tampat pinompojoongan.

DANIEL 9:5

Kami binaladosa'mo ka' mule' nombaumo palabuatan anu ma'idek ka' mule' nombaumo kasala'an. Kami noto muhukmo ka' mule' nolanggaimo palentah nu Belento ka' mule' madi'mo nontuluti iwi-iwi na atulan nu Belento.

DANIEL 9:9

Belento saja' nongampuni ka' mule' nongkalibosi mae, maumo kami saja' panggaga hi belento.

HOSEA 9:7

Tinokamo mae na tempo'nyo anu pohukumanmo, tempo'nyo nu pontalimanmo balosnyo nu palabuatan nu aha. Nu oa'imo nu Israel! Belemiu nontaloakon, “Nabi anu kinuasanmo nu roh aiya ponga'! Ulawon na ia!” Belemiu nontaloakon sumo aijo' kalana belemiu mongka'ideki mae hondo aku ka' dosa' nu belemiu talalo hondo daka' na koonyo nu nabi aijo'.

1 KORINTUS 3:19

Kalana anu osangka pande nu dunia, aijo' ponga' de Tumpu Allah na montoa. I uno nu Kitab nu Tumpu tinulismo, “Tumpu Allah mohakop to mia-mian pande i kapandean nu aha.”

PO'ULE' INGULIT 2:30

Panyo i Tomundo Sihon madi' nompobee' kita motulu i lipu' nu aha aijo'. Tumpu Allah nu belemiu nompotimbalimo ia da panggaga ka' mompagala da kita timbali mompatundu' ia. Da'erahnyo daagi' o jojoonginto sampe uuka aiya.

1 SAMUEL 25:29

De ko samian montumbuhi belento Tuanku ka' monsoba-soba mompatei belento Tuanku saba' belento Tuanku na nu jagai ahi' nu Tumpu Allah susumo halata' anu nu jagai nu tumpunyo. Panyo sampo bali' nu belento Tuanku o alinmo jo'o-jo'on nu Tumpu, salambeta na pongalin jo'o-jo'on.

1 SAMUEL 25:39

Salatan i hongomo i Daud na i Nabal sinilakamo notataemo na ia, “O puji' na Tumpu! Ia nombalosakonmo i Nabal anu saja' mongambangi aku, ka' nontewa'mo posaihon-Nyo aiya da bolimo mombau anu ma'idek. Tumpu nohukumo i Nabal kalana ia saja' mombau anu ma'idek.” Lapas aijo' i Daud nonsaimo mian da mamba hi Abigail mondutakon de timbali da baumo bengkele'nyo.