Ia madi' montinjohi to tomu-tomundo, kabai lebe mompopodaka' mian anu kaya ka' madi' montapa-tapali mian anu talalo hodo kasiasi. Kalana aha iwi-iwi' Ia na nompotimbali.
O, bansaku, sabole-boleh Tumpu na bau kataha'imanan sansina-sinaa; bee'mo iwi-iwi' naisi nu kinyonyoa nu belemiu hi Ia, kalana olamo hi Ia na tampat pihohungan.
Imbo' sihuk mae, o, to bansa-bansa, ka' potombihing mae. Bakas da songko-songko na dunia ka' mule' iwi-iwi' na anu tumuu' i unonyo tokamo mae ka' mompotombihing.
Potombihing mae o bansa-bansa! Opalahatikan belemiu mian anu jojoong i songko-songko na dunia! Tumpu Anu Matangkas na kuasanyo tokamo mae susumo sakisi mongahopimo belemiu iwi-iwi'! Potombihing na Ia motataemo lengkat mae i Laigan-Nyo anu susi' kiita i suluga'.