MAZMUR 48:13 - KITAB NU TUMPU ALLA LELE MA'IMAI'

¹³ Tikubimo na Sion, ka' tamtambioloimo na ia, ka' soba lekeng na menaranyo.

MAZMUR 48:13 ပူးပေါင်းရင်းမြစ်များ

MAZMUR 122:7

O' amalakon da ko kadamean i uno nu da'erah nu beleyum, ka' madi' ko anu mompoposia benteng miu iwi-iwi'.”

MAZMUR 71:18

O Tumpu, boli opala'i na aku, sangkut aku langkai'mo ka' bengkele'mo ka' uanonmo, da kabaanian ka' kuasa nu Belento ku bebakon, hi iwi-iwi' na tulunan anu aiya mae i ahop.

YESAYA 33:20

Tonto'i na Sion tampat bau polame'akonanto lamean nu agama. Tonto'i na Yerusalem! Madi' hondo ko anu mompoposia na tampat aijo' bau kajojoongan sumomo ahi' kemah anu madi' toho' ilali-alin, pinontotoli madi' toho' ginautakon, ka' kahohonnyo madi' toho' nobotu'.

YESAYA 58:12

Kota' anu pininmo na na'idek po'ule'mo opotinjo i tampatnyo anu momona. Belemiu osanggohimo ‘Bansa anu po'ule'mo nombau pagan mesen ka' nompokoima'imo to lai-laigan anu i hansunmo.’ ”

YEHEZKIEL 21:25

Ka' hi tomundo' nu Israel Ku poto'i, ‘O, tomundo' anu ma'idek na kinyonyoanyo ka' palaganta! Sinaa anu pupusnyomo na beleyum ohukum malia'mo mae toka.

YOËL 1:3

Sisikakon mae na kajadian aijo' hi to ana-anak nu belemiu; da aha mompotokakon hi to ana-anak nu aha na sisik aijo'. Tulunan anu mihinyo mae tionyo ahi' mohongo suele ka' monsisikakon mule' hi tulunan anu aiya mae i ahop.

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

PO'ULE' INGULIT 11:19

Opotinganakon hi to ana-anak nu belemiu. Osisikakon i uno nu laigan, i sambiha'nyo nu laigan tempo'nyo milawe, ka' tempo'nyo mokalaja.