MAZMUR 48:1 - KITAB NU TUMPU ALLA LELE MA'IMAI'

¹ Mazmur nu aha sa'anakan i Korah.

MAZMUR 48:1 ပူးပေါင်းရင်းမြစ်များ

NEHEMIA 9:5

Aha nonsombahmo Tumpu Allah nu aha i sinaa aitu tinampu'unan nu aha to mia-mian nu aha Lewi aijo'mo: i Yesua, i Kadmiel, i Bani, i Hasabneya, i Serebya, i Hodia, i Sebanya, ka' i Petanya. Aha notataemo: “Tinjomo ka' puji' na Tumpu Allah-nto! Opuji' na Ia sampe toka sidu-sidutu'! Opuji' na sanggo-Nyo anu saja' opopodaka', sanggo anu opalias molingkudui iwi-iwi' na bau pompuji'.”

MAZMUR 145:3

Kalana Tumpu talasanggo ka' talalo hondo opuji', katalasanggoan-Nyo madi' opoko ala okiop.

MAZMUR 147:5

Daka' hondo na kuasa ka' opalias hondo na Tumpunto, kapandean-Nyo talalo hondo manjoo'.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 30:1

Mazmur i Daud. Nyanyian anu onyanyi momposawe'imo Laigan nu Tumpu.

MAZMUR 42:1

Anu mongkapalai panyanyi. Nyanyian pangajalan aha sa'anakan i Korah.

MAZMUR 46:1

Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

MAZMUR 46:4

maumo ahi' ambai motomuhukmo ka' mule' bokolonmo ka' puge'nyo iwi-iwi' gayu'anmo kalana hosonnyo nu bokon.

MAZMUR 47:8

Tumpu atina'mo na Tomundo' isongko-songko na dunia, opuji' na Ia nu nyanyian anu ma'ima' hondo!

MAZMUR 65:1

Anu mongkapalai panyanyi. Mazmur i Daud. Nyanyian.

MAZMUR 78:68

Anu pinile'an-Nyo aijo'mo tulunan nu bansa i Yehuda, ka' Puge'nyo nu Sion anu kina'ima'an-Nyomo.

MAZMUR 86:10

Kalana Belento mahoson ka' baani ka' mombaumo hahan anu okabangangi, olamo samata-mata Belentomo na Tumpu.

MAZMUR 87:1

Sa'angu' na nyanyian. Mazmur nu aha sa'anakan i Korah. Tumpu nompotinjomo kota'-Nyo aita' i puge'-Nyo anu susi', anu Ia na Tumpu-Nyo.

MAZMUR 87:3

Potombihing mae, o, kota' nu Tumpu Allah, hahan anu okabangangi pinoto'inyomo apaa na anu binaumo nu belento;

MAZMUR 96:4

Kalana talasanggo hondo na Tumpu, ka' talalo hondo o puji', tionyo ahi' talalo okabuhuk molingkudui iwi-iwi' na pilogot.

MAZMUR 99:9

Oholomati ka' opopodaka' na Tumpunto, ka' sombahmo na Ia i Puge'-Nyo anu Ia na tumpu'nyo ka' anu susi' hondo, kalana susi' hondo na Tumpunto.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

YEREMIA 31:23

Tumpu Anu Mahakuasa, Tumpu Allah Israel notatae, “De maluanyo mian anu palesayamo hi beleng-Ku, Ku pojadimo ma'ima' na kantumuu'an nu aha susumo naipuan mae, sahingga ilipu' Yehuda tiba ikampungnyo anu toto ise-ise' ohongo mule' na mian motatae, ‘O amalakon da Tumpu mombalakati puge'nyo anu susi' i Yerusalem tampat samata-mata ola Ia na monjojoongi.’

OBAJA 1:17

“Panyo i bungkutnyo nu Sion saidi' mae ko anumo oposalamat ka' bungkutnyo aijo' timbalimo sa'angu' na tampat bau katokaan-Ku. Sahingga lee' i Yakub po Ule'mo montumpui tano' pusaka' nu aha.

MIKHA 4:1

I sinaa anu aiya mae o ahopi puge'nyo pipinombauan Laigan nu Tumpu tuminjomo hodi-hodi' ka' matangkas hondo lebemo moliu-liu to bungku-bungkutnyo ka' to puge-puge'nyo. Iwi-iwi' na bansa mododuyutanmo mambamo mompanjolongi

ZAKHARIA 8:3

Aku po ule'mo minsusule' i Yerusalem, kota'-Ku anu susi' aijo' ka' jojoongmo ikiijo' mae. Yerusalem saidi mae nu sumbu'je nu mian salaku kota' anu tulu-tulutan, ka' puge'nyo nu Tumpu Anu Daka Na Kuasanyo osanggohije Puge'nyo anu Susi'.

MATIUS 24:15

“Komiu montoaje ‘Ka'idekan anu monsilakai,’ sumo anu tinaloakonmo i Nabi Daniel, tinuminjo i tampat anu Susi'. (Tulisan toka hi topo anu mombasa': Palahatikan apaa na alati'nyo!)

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

ANU PINOTO'I HI YOHANES 19:5

Lantas i hongo lengkat mae i kasuhangan aijo', potatae anu nontaloakon, “O puji' na Tumpu, o belemiu iwi-iwi' posaihon nu Tumpu, ka' iwi-iwi' mian – daka' ise' – anu nonsombah Tumpu!”

ANU PINOTO'I HI YOHANES 21:2

Sahingga aku nontoamo kota susi' aijo', aijo'mo Yerusalem nintatau' mae lengkat i suluga' hi Tumpu. Kota aijo' pinosadiakonmo sumo samian na boting boune binaju'anmo da monsingkabotimo boting mo'ane.