MAZMUR 47:2 - KITAB NU TUMPU ALLA LELE MA'IMAI'

² Pohapa'i lima lame-lame', o iwi-iwi' na bansa! Opuji' na Tumpu ka' pontaligalai!

MAZMUR 47:2 ပူးပေါင်းရင်းမြစ်များ

NEHEMIA 1:5

“O Tumpu Allah anu daka' na kuasanyo kiita' i Suluga'. Belento Tumpu Allah anu Daka' na kuasa nu belento, ka' kami mangadap hi belento mabuhuk hondo. Belento sabole-bole monginau' kami ka' saja' sabole-bole montoongi apaa na anu jinanji'mo nu Belento hi mian anu mongka'ima'i belento ka' sabole-bole montuluti palentah nu Belento.

MAZMUR 145:6

Aha mombebakonmo palabuatan nu Belento anu talalo hondo okabuhuk kakuasa'an anu daka' hondo nu Belento kubebakonmo.

MAZMUR 47:7

Nyanyian, nyanyian bau pompuji' Tumpu, nyanyimo na bau pompuji' Tomundo'to!

MAZMUR 65:5

Mohumpakmo ka'ima'an na kantumuu'an nu mian anu pinile'anmo nu Belento ka' anu ilagamo nu Belento da jojoongmo i laigan nu Belento. Kami nu osaimo nu anu toto ima-ima' iwi-iwi' i Laigan nu Belento, kajo-kajojoongan nu Belento anu susi'.

MAZMUR 68:35

Akuimo na kakuasa'an nu Tumpu anu mongkuasai aha bansa Israel, kuasa-Nyo toka-toka kiita' mae i langit.

MAZMUR 76:12

Ganapimo na anu jinanji'mo hi beleyum hi Tumpu nu beleyum. Tionyo ahi' iwi-iwi' na bansa anu ohani na kajojoongannyo momboamo palasombahannyo hi Tumpu anu okabuhuk.

MAZMUR 95:3

Kalana Tumpu aijo'mo na Tumpu anu talasanggo hondo, Tomundo' anu baani, anu molingkudui iwi-iwi' na pilogot.

MAZMUR 99:3

Bakas da aha mompuji' anu talalo hondo oholomati. Ia talalo hondo susi'!

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

PO'ULE' INGULIT 28:58

De belemiu madi' tulu-tulutan hi atulan nu Tumpu Allah nu belemiu anu iwi-iwi' tinulismo i kitab aiya ka' madi' mongadati Tumpu Allah nu belemiu, anu talasanggo hondo ka' anu okabangangi.

PO'ULE' INGULIT 7:21

Jadi boli mabuhuk hi bansa haha aijo'. Tumpu Allah nu belemiu na monjagai belemiu. Ia Tumpu Allah anu talasanggo ka' okabuhuk.