MAZMUR 46:3 - KITAB NU TUMPU ALLA LELE MA'IMAI'

³ Sahingga kita madi'mo mabuhuk, maumo ahi' tano' tolohunjongmo, ka' bungkutnyo iwi-iwi' tatanomo ilananyo nu ambai;

MAZMUR 46:3 ပူးပေါင်းရင်းမြစ်များ

1 TOMU-TOMUNDO' 19:11

“Posabatmo mae atina' i liang,” na koonyo nu Tumpu hi ia, “tinjo aita' i bungkutnyo mongahopi mae Aku.” Lantas Tumpu notulumo kiijo', panyo mombun na momona notulu makansang hondo, sahingga to bungku-bungkutnyo nobiha'mo ka' to bungku-bungkutnyo nu batu noposo-poso'mo. Panyo Tumpu madi' nanintoa i mombun aijo'. I lapas na mombun aijo' tinoka mule' na luulu', panyo' hau-haunyo ko luulu' aijo', Tumpu madi' ahi' nanintoa.

AYUB 38:11

Aku notataemo hi ia, ‘Aiyamo na potempasannyo. Boli nu liu-liu! Ola toka i aiya na katokaan nu bokonum iwi-iwi' anu toto hoso-hoson belentimo.’

MAZMUR 18:4

Aku mongkakase hi Tumpu anu pantas o puji', Ia nompobebasmo mae aku da boli nupoposia nu to sampo-sampobali'ku.

YESAYA 5:3

Jadi uuka aiya sangalung-Ku notataemo, “Belemiu iwi-iwi' anu jojoong i Yerusalem tiba i Yehuda, putusi na ulusannyo pa' mosia na ale' nu anggur-Ku tiba Aku.

YESAYA 54:10

Maumo to ahi' bungku-bungkutnyo ka' puge'nyo iwi-iwi' gayu'anmo, Aku madi' belenti na mongkalibosi beleyum. Paladamean anu jinanji'-Kumo saja' Ku toongi,” na koonyo nu Tumpu anu mongkalibosi beleyum.

YEREMIA 4:24

Tinoangku na bungkutnyo tiba puge'nyo anu toto tangka-tangkas talalomo ahi' na ginayu'an.

YEREMIA 5:22

Aku na Tumpu; kadaka' belemiu madi'mo nongkabuhuk Aku? Sabenannyo belemiu tionyo ahi' langkakatan mae hi beleng-Ku! Aku na nompotimbali sonibi nu ambai binau potempasan nu ambai anu madi' nu poko ala nu tului sampe toka sidu-sidutu'. Ambai timbali mokokembong ka' bokon timbali mangamu', panyo madi' moko ala moliu-liu potempasan aijo.

MIKHA 1:4

To bungku-bungkutnyo hansunmo akaong i pala-Nyo susumo lilin i uno nu apu anu moakmo, tano'nyo motuba-tubasmo minsoopmo mokaiyong i to bangka-bangka'-Nyo, susumo uee anu aita' mae i bungkutnyo mo ilimo mokaiyong i hatanyo.

NAHUM 1:5

Bungkutnyo iwi-iwi' ilakatnyo i ahop-Nyo, ka' puge'nyo suele na enamo iwi-iwi'. De Tumpu tokamo mae dunia langkakatanmo ka' iwi-iwi' na anu monjojoongi suele nu lakatmo.

MATIUS 7:25

Tempo'nyo ujan tudun, ka' iaba' toka tiba mombun makansang montintip laigan aijo', laigan aijo' madi' motua' kalana pinotinjomo i bawo nu batu.

ANU PINOTO'I HI YOHANES 16:20

Iwi-iwi' na togong madi'mo daagi' ka' iwi-iwi' na bungkutnyo suele madi'mo ko anu daagi'.

ANU PINOTO'I HI YOHANES 17:15

Malaikat aijo' po'ule' notatae, “Uee anu tinoa nu beleyum aijo', tampat kinasuhangan nu to mia-mian masala' aijo', aijo'mo to bansa-bansa, to laya-layat, to nega-negara, ka' to basa-basa'.