MAZMUR 46:2 - KITAB NU TUMPU ALLA LELE MA'IMAI'

² Tumpu aijo'mo na pinsondo'an ka' timbali kahosonanto; Ia saja' sasadia ka' moko ala ahi' montulungi i uno nu kasusa'an.

MAZMUR 46:2 ပူးပေါင်းရင်းမြစ်များ

2 SAMUEL 22:3

Tumpu sumomo benteng anu mahoson tampat bau paninsulukanku. Tumpu Allah-ngku sumomo bungkutnyo nu batu tampat bau pinsondoanku Sumomo kanta na Ia mongkukubi mae aku, ka' saja' monjagai mae aku da madi' ko anu mompoposia.

MAZMUR 142:6

Aku mongkakase hi Belento, O, Tumpu, Belentomo na tampat bau pihohunganku, olamo Belento na anu ku palalui i uno nu kantumuu'anku aiya.

MAZMUR 18:7

I uno nu kasusa'anku aku nongkakasemo hi Tumpu, aku nolobo'mo hi Tumpu-ngku mongkakase da otulungi. Kiita' mae i laigan-Nyo i hongo-Nyomo mae na potataengku ka' nontutugiakonmo mae apaa na anu kinakase'kumo.

MAZMUR 23:4

Maumo aku nontulumo bangka'nyo anu pikat, aku madi' nabuhuk i apa-apaa na anu nonsilakai, kalana Belentomo na nonsangaluimo aku. Belentomo na nonjagai aku sumomo samian na polaya' anu nonjagaimo dombanyo nu tokonnyo ka' amangkunnyo.

MAZMUR 27:3

Maumo ahi' aku otiku nu gombuan nu suludadu anu da'isan hondo, aku madi'mo mabuhuk. Maumo ahi' tokamo mae na anu mompahampateakon mongewa aku, aku tataap sabole-bole montaha'imani Tumpu.

MAZMUR 28:7

Tumpu na monjagai mae aku ka' anu montinjohi mae aku, aku pinalesayamo hi Ia. Ia nontulungimo mae ka' nompolame'mo kinyonyoangku, aku mompuji'mo Ia nu nyanyian anu bau pontalima kaseh.

MAZMUR 37:39

Nu posalamat nu Tumpu na mian anu bala iman hondo; ka' Nu jagai na aha de ko kasusa'anmo.

MAZMUR 59:17

Panyo aku monyanyiakonmo kahosonan nu Belento; de subu-subumo aku manyanyimo hoso-hoson, monginau kalibosan ka' kanonongan nu Belento. Kalana Belentomo na tampat popalaianku, tampat pihohunganku de susa'mo.

MAZMUR 62:8

Iamo na Tumpu anu mombee'imo mae aku kasalamatan ka' kaholomatan, Iamo na anu nonjagai mae aku ka' anu nontinjohimo mae aku anu otaha'imani.

MAZMUR 62:9

O, bansaku, sabole-boleh Tumpu na bau kataha'imanan sansina-sinaa; bee'mo iwi-iwi' naisi nu kinyonyoa nu belemiu hi Ia, kalana olamo hi Ia na tampat pihohungan.

MAZMUR 82:5

Belemiu madi' ko anu opisumbu-sumbu', ponga' ka' sala' na bapikin, kalana belemiu, sahingga atulan nu kantumuu'an nu mian da'isan tinabuntala'mo.

MAZMUR 91:2

timbali motatae hi Tumpu, “Belentomo na anu montinjohi ka' monjagai mae aku, Tumpu-ngku, Belentomo na ku palesaya.”

YEREMIA 14:8

Ola-olanyomo Belento na anu taha'imani nu Israel, anu nomposalamatmo kami da madi' silaka. Panyo kadaka' Belento sumomo mian anu isalipu'an mae aiya ilipu' mami, sumomo mian anu ilumambanan ola' sinso' male' sampahu lantas mambamo?

NAHUM 1:7

Tumpu aijo' manonong, Ia monjagai mian-Nyo anu pinalesayamo tempo'nyo aha sinusi'mo; Ia monjagai mian anu ninsoopmo palesaya hi Ia.

MATIUS 21:21

“Totu'u” tinaaman i Yesus, “De komiu palesaya ka' madi' bata-bata, komiu timbali mombau apaa na anu Binaungkumo i kau' ara aiya. Ka' misa' ola aijo', aitu pe'e komiu timbali motatae i bungkutnyo aiya, ‘Talahangkat ka' tongalin mokaiyong i uno nu ambai’; saba' han aijo' tionyo timbali.

LUKAS 21:33

Langit ka' tano' mingkot, panyo potataeng-Ku tataap sidu-sidutu'.”

IBRANI 13:6

Kalana aijo' kita baani ahi' na motatae, “Tumpu na anu Montulungi mae aku, aku madi' mabuhuk. Apaa na anu nu poko ala nubau nu mian hi belengku?”