MAZMUR 46:10 - KITAB NU TUMPU ALLA LELE MA'IMAI'

¹⁰ Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

MAZMUR 46:10 ပူးပေါင်းရင်းမြစ်များ

1 TOMU-TOMUNDO' 18:36

Salatan nonsombahkonmo koloban malom-malom i Elia nongohanimo mezbah aijo' ka' binalado'a, “O Tumpu, Tumpu Allah anu nunu sombah i Abraham, i Ishak, ka' i Yakub, ponyata'mo mae uuka aiya da nusumbu'mo nu aha taalu' Belentomo atina' na Tumpu Allah nu Israel, ka'akumo aiya na posaihon nu belento. Ponyata'mo mae mule' da nusumbu' nu aha taalu' anu ku bau aiya iwi-iwi' palentah mae lengkat hi Belento.

2 TOMU-TOMUNDO' 19:12

Tempo'nyo mompolee'ku nongideimo kota' Gosan, Haran tiba Rezef, ka' mule' nompateimo mian nu Eden anu jojoong i Telasar madi' ko sa'angu' pe'e na to pilo-pilogot nu aha na noko ala nomposalamat aha.

2 TOMU-TOMUNDO' 6:23

Sahingga i tomundo' Israel nombaumo bau-bauon daka' nolame'akon aha. Noko kaan ka' nonginum na aha, sinainyomo na aha da minsusule'mo hi tomundo' Siria. Mulai tempo'nyo aitu mian nu Siria haha aijo' madi'mo namba mae montumbuhi lipu' nu Israel.

1 TAWARIKH 29:11

Belento totu-totu'u talasanggo ka' daka' na kuasa nu Belento. Belento opopodaka' ka' talalo hondo o adati, anu mongkuasai iwi-iwi'.

MAZMUR 100:3

Boli okolilimi kalana Tumpu aijo', Tumpu. Ia na nompotimbali kita ka' kita aiya Ia na tumpu-Nyo; kita mian anu palesayamo hi Ia, bansa anu pinotuu'-Nyomo.

MAZMUR 21:13

Nu peletakonmo na pana'-Nyo, sahingga aha mombalikakonmo ka' mopalaimo.

MAZMUR 37:15

Panyo mian anu ma'idek na palabuatannyo nu posi jalo'je nu bajaknyo, pelet nu aha saidi' mae opaha pato'imo.

MAZMUR 57:5

Aku tinikumo nu mian anu monsampobali' mae aku, aha sumomo singa anu mangoa hondo hi manusia. Bese' nu aha sumomo talombo' ka' pana' jila' nu aha sumomo ko tajomnyo nu bajak.

MAZMUR 83:18

Bakas na aha saja' opopo'ambang ka' saja' mongoa'i mabuhuk, bakas na aha silaka kalana nusaduakon lewa'mo o'alu.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

YESAYA 2:11

Ola-olanyomo ahi Tumpu na anu opopodaka'.

YESAYA 2:17

Mian anu buulon opopo ambangmo ka' mule' mian anu lewa' montige-tige opota'alukmo. Ola-olamo ahi' Tumpu na anu opopodaka'.

YESAYA 2:4

Ia na momputusi aha to bansa-bansa, ka montantukan kaputusan nu palakala hi aha tulunan nu to bansa-bansa. Bajak otutukmo da timbalimo aja' ka' mule' talombo' otutukmo da timbali piso' bau pongkis. Aha to bansa-bansa madi'mo lewa' mompaha tubu-tumbuhi, ka' mule' madi'mo lewa' balasadia da mahampatemo.

YESAYA 5:16

Panyo Tumpu Anu Daka na Kuasanyo mombaumo anu totu'u salaku pompotoa-Nyo katalasanggoan nu kakuasa'an-Nyo. Ia momputusi bansa-Nyo nu ka'adilan-Nyo salaku pompotoanyo kasusi'an-Nyo.

YEREMIA 49:35

Tumpu notataemo, “Ku pateimo iwi-iwi' na anu pande mompana' anu nompohosonmo hondo Elam.

YEHEZKIEL 30:8

De Ku papuimo na lipu' nu Mesir ka' mompateimo iwi-iwi' na anu sinangaja'mo tiba ia nu sumbu'je nu aha taalu' Akumo ahi' na Tumpu.

YEHEZKIEL 38:23

Tiba jalan anu sumo aijo' na Aku mompotoa hi sinin na bansa taalu' Akumo ahi' aiya na anu daka' na kakuasa'an tiba mule' susi'. Sahingga nu sumbu'je nu aha taalu' Akumo ahi' na Tumpu.”

YEHEZKIEL 39:3

Ikiijo' mae Ku sapahimo na pana'nyo sahingga tongkakabasmo ilimanyo kowi, ka' Ku potatabumo na hihisnyo anu aijo' totoong ilimanyo koanan.

MIKHA 4:3

Tumpu momputusimo palakala hi aha to bansa-bansa hi aha to nega-negara anu mahoson anu majo'on kabai anu ohani. To baja-bajak nu aha otutukmo bau pajeko ka' mule' to talo-talombo' nu aha opotimbalimo piso' bau pongkiis. To bansa-bansa madi'mo daagi' paintumbu-tumbuhian ka' mule' madi'mo daagi' mosadia da mahampatemo.

HABAKUK 2:20

Tumpu kiijo' i uno nu Laigan-Nyo anu susi'; tionyo ahi' iwi-iwi' na mian i dunia aiya boli manjoo' na katalangan i ahop-Nyo.

ZAKHARIA 2:13

Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

YOSUA 11:6

Tumpu notataemo hi Yosua, “Boli okabuhuk na aha. Dodop susumo sinaa uuka aiya Ku pateimo na aha iwi-iwi' kalana monginau' Israel. Ajahan nu aha tionyo ahi' opengko'i nu beleyum ka' kareta nu aha iwi-iwi' anu opake nu aha nahampate tionyo ahi' opapui nu belemiu.”

YOSUA 11:9

I Yosua nombaumo aha sumo aijo' susumo apaa na anu pinalentahkonmo nu Tumpu: ia nompengko'imo ajahan nu aha ka' nompapuimo kareta iwi-iwi' nu aha anu pinake nahampate.

1 SAMUEL 17:46

Sinaamo uuka aiya na Tumpu mombee' mae beleyum hi belengku, beleyum ku patundu'mo ka' ubak nu beleyum ku kolongmo. Butong nu beleyum tiba butong nu to sulu-suludadu nu Filistin ku bee'mo hi tomonsi ka' binatang, da nu kaan nu aha. Sahingga songko-songko na dunia monsumbu'je taalu' kami bansa Israel ko Tumpu Allahnyo anu osombah mami.

1 SAMUEL 2:4

Pompelet nu mian anu baani nopato'mo, panyo mian anu madi' mahoson nompaka pahosonmo.