MAZMUR 45:8 - KITAB NU TUMPU ALLA LELE MA'IMAI'

⁸ Beleyum mongka'ima'i anu totu'u ka' mongka'ideki anu ma'idek; mokonyo aijo', Tumpu, Tumpu nu beleyum nompile'imo beleyum, ka' nompo ima'mo kantumuu'an nu beleyum ka' nolingkuduimo to tomu-tomundo' sangga'at.

MAZMUR 45:8 ပူးပေါင်းရင်းမြစ်များ

1 TOMU-TOMUNDO' 22:39

Sisikon sangga'at mongkona i Tomundo' Ahab, ka' mule' mongkona istana gading, ka' iwi-iwi' na kota anu binaunyomo, tinulismo i kitab Sisikon nu to Tomu-tomundo' Israel.

MAZMUR 11:7

Kalana Tumpu manonong ka' adin, Ia mongkalibosi mian anu mombau anu ma'ima' mian anu madi' tageo' na kinyonyoanyo montoa ka' monsumbu' Tumpu.

MAZMUR 150:4

Opuji' na Ia nu gandang ka' osalelei, opuji' na Ia nu kasapi' tiba puloit.

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 45:15

Ia nibaju'mo nu baju' anu mongangahan na buhitnyo, lantas ia binoamo hi tomundo' sinosapi'an nu to sanga-sangalunyo te to lalangkoyang anu daagi' ise'. Aha suele pinosadiakonmo hi tomundo'.

NYANYIAN ANU TALASANGGO 1:13

Sindua'anku sumomo mur na nohongnyo, salatan ia natikalokosmo isaha'anku.

NYANYIAN ANU TALASANGGO 1:3

Beleyum talalo hondo manohong, sanggo nu beleyum sumomo minya-minya' anu nobubusmo; mokonyo aijo' to lalangkoyang monsindua'i beleyum.

NYANYIAN ANU TALASANGGO 3:6

Pa' aijo' anu tinoka lengkat i padang anu mateges; susumo tibuk nu apu anu butolu? Nohongnyo sumomo mur ka' kamangian, tiba iwi-iwi' na bada' anu manohong lengkat mae hi mian anu badagang.

NYANYIAN ANU TALASANGGO 4:6

Kahanda' na aku mamba i bungkutnyo nu mur, ka' i bungkutnyo kamangian, sampe ko baleba'nyomo daagi subu-subu anu mola'akonmo pintung de malomo.

NYANYIAN ANU TALASANGGO 5:1

Aku tinokamo i ale'ku, sindua'anku pangantinku. Ilimu'kumo na mur tiba lampa-lampangku potik tiba juu' nu uani'ku kinaankumo inginumkumo na susu tiba uee nu anggurku. Pongkaanmo ka ponginumo to sanga-sangalungku. Inummo sampe nu osaimo na sindua'anku.

NYANYIAN ANU TALASANGGO 5:13

Gagisingnyo sumomo ale' nu lampa anu to noho-nohong, biwinyo sumomo bunga bakung anu monjujuhakon mur anu madi' ko galo'nyo.

NYANYIAN ANU TALASANGGO 5:5

Sahingga no bulamo na aku, kahanda' po ule' montuhea'akon tumban da minsoop mae na sindua'anku. Mur jinumujumo lengkat aiya ilimangku tiba i kangkam nu limangku, nohumpisimo pontoongian supat nu tumban.

AMOS 3:15

To lai-laigan tempo'nyo nu bakin ka' to lai-laigan bau pilawean i tempo'nyo nu posinaa Ku hansunimo. To lai-laigan anu binunga-bungan nu sae nu binatang mohobo'mo, iwi-iwi' na laigan anu daka' hansunmo.

MATIUS 2:11

Aha ninsoop i uno nu laigan aijo', ka' nontoa Anak aijo' tiba i Maria, tina-Nyo. Aha tinolodupu ka' nonsombah Anak aijo', lantas nombukai tampat halata' nu aha, ka' nonsombahkon hi ia mosoni', kamangian, ka' mur.

YOHANES 14:2

I laigan nu Tuumang-Ku daagi' manjoo' na tampat kajojoongan. Aku mamba mokiita' montoukai tampat miu. Aku madi' motatae sumo aijo' hi komiu, de aijo' madi' sumo aitu.

YOHANES 19:39

I Nikodemus anu toho' tinoka u'utu mae hi Yesus pihi-pihi, namba suele hingga-hinggat tiba i Yusuf. I Nikodemus nomboa lampa-lampa te mur tiba gaharu – iwi-iwi' kila-kila tolumpulu' na kilogram na konjoo'nyo.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.