MAZMUR 45:13 - KITAB NU TUMPU ALLA LELE MA'IMAI'

¹³ Mian anu jojoong i Tirus momboamo mae palasombahan hi beleyum; mian anu kaya bala usahamo mae mongala kinyonyoa nu beleyum.

MAZMUR 45:13 ပူးပေါင်းရင်းမြစ်များ

1 TOMU-TOMUNDO' 5:15

I Salomo suele nompalentahmo 80.000 na mian mompa'at batu anu lengkat mae i bungkutnyo ka' 70.000 na mian anu mongato batu haha aijo'.

NYANYIAN ANU TALASANGGO 7:1

O, langkoyang anu tingkai'on, ma'ima' hondo na tengke nu beleyum mompusok sandan atina' Pa'a nu beleyum sumomo pahahiasan, kapaden nu samian anu nontali.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

MATIUS 5:16

Sumo aitu mule' na jingkaum tionyo monjingkai ahop nu mian da aha montoa anu ma'ima', apaa na anu binau miu, lantas mompuji' Tuumaum i suluga'.”

LUKAS 11:40

Komiu ponga'! Te misa' Tumpu na nombau sasu sambiha'nyo aijo', ka' suele nombaumo sasu unonyo?

ROMA 13:14

O'asanakon hi Tumpu Yesus Kristus na mompotantu apaa na anu tionyo o bau miu. Ka' boli mombatuki kalakuan nu mian anu baladosa', kahanda' mati ko osai napisu.

ROMA 2:29

Panyo sabenannyo ahi', samian anu totu-totu'u Yahudi aijo'mo mian anu mingkinyonyoa Yahudi, ka' anu totu-totu'u sinunat, aijo'mo sunat i uno nu kinyonyoa anu binau nu Roh nu Tumpu, misa' anu tinulis i uno nu kitab. Mian anu sumo aijo' mohumpak pompuji' lengkat hi Tumpu, misa' lengkat hi mian.

ROMA 3:22

saba' Tumpu nombaumo da mian timbali mompaha ima' tiba Ia, de mian palesaya hi Yesus Kristus. Tumpu nombau sumo aijo' kona hi iwi-iwi' mian anu palesaya hi Yesus Kristus; kalana madi' oposi posangalasan na samian ka' samian.

2 KORINTUS 5:17

Mian anu nosa'angu'mo tiba i Kristus tinimbalimo mian bu'ou totu-totu'u. Anu pini-pininmo imadi'anmo – iwi-iwi' tinimbalimo bu'ou.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

ANU PINOTO'I HI YOHANES 3:18

Mokonyo aijo' Aku mompokinde'i belemiu, da mongoli hi beleng-Ku mosoni', aijo'mo mosoni' anu madi' kogalo'nyo, da komiu timbali kaya. Oli mule' suele na baju' mopute' hi beleng-Ku, da belemiu mipake ka' mongkulubi kantumuu'an miu anu langgo-langgo' ka' mongambangi. Ka' olimo na pakuli' anu o gegesakon i mata miu da belemiu timbali montoa.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”