MAZMUR 44:4 - KITAB NU TUMPU ALLA LELE MA'IMAI'

⁴ Tano' aijo' madi' pino ago nu aha nonggunakon bajak misa' ola posi kahosonan nu butong nu aha sahingga aha inguntungmo na nahampate, panyo kalana kakuasa'an tiba jingka salaku tanda daagi' ko Belento hi aha kalana Belento na sanang ahi' hi mian anu palesayamo hi Belento.

MAZMUR 44:4 ပူးပေါင်းရင်းမြစ်များ

MAZMUR 111:6

Ia nompotoamo kuasa-Nyo hi mian anu palesayamo hi Ia, ka' nombee'imo aha tano' pusaka nu to bansa-bansa.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 74:12

Salatanmo pe'e momonanyo Belentomo na tomundo'ku, o, Tumpu, Belentomo na nomposalamat mae kami.

MAZMUR 89:18

Belento nompo'untungmo hondo kami mahampate, kalana samata-mata kanonongan nu Belento sahingga kami inguntungmo na nahampate.

NOSABATMO 15:6

O Tumpu, kahosonan nu Belento talalo hondo okabangangi, binaumo nu Belento na anu monsampobali' nosungke-sungkehetmo.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

MARKUS 1:31

Sahingga i Yesus namba hi tina nu bengkele' i Simon ka' nontoongi limanyo, ka' nonsampusi ia nobula. Panasnyo na'alinmo ka' ia mule' nontampu'unimo nomposadiai kapalaluan nu aha.

MARKUS 1:41

I Yesus nolibos hi mian aijo'. Jadi, Ia nompanya mian aijo' ka' Ia notatae, “Aku mongka'oho', pa'alinmo!”

MARKUS 9:25

Tempo'nyo i Yesus nontoa saba' mian da'isan montampu' unimo toka sihuk, Ia nompalentah roh ma'idek aijo' ka' notatae, “Roh mabongon ka' momo', oko Ku palentah posabat lengkat hi anak aiya, ka' boli daagi' timbali minsoop i unonyo!”

PO'ULE' INGULIT 7:19

O' inau' na to bala-balaa' anu okabuhuk hondo anu pinosi sakisianmo nu belemiu, batu-batu anu okabangangi, ka' kakuasa'an anu daka' na binaumo nu Tumpu Allah nu belemiu, kalana kahanda' mompobebas belemiu. Sumo aijo' suele na Tumpu Allah mombau iwi-iwi' na bansa anu okabuhuk miu.

PO'ULE' INGULIT 7:8

Panyo Tumpu nompile'imo belemiu kalana Ia nongkalibosimo belemiu ka' kahanda'mo momponyata' janji'-Nyo anu binau-Nyomo tiba mompolee' nu belemiu. Mokonyo aijo' Ia momposalamatmo belemiu nu kuasa-Nyo anu daka' hondo, ka' mompobebasmo belemiu temponyo binoatuanan i tomundo Mesir.

YOSUA 24:12

Tempo'nyo belemiu nambamo nontumbuhi aha, pinolingung-Kumo na aha ka' nabuhukmo sahingga ua'aha na tomundo nu Amori haha aijo' nopalaimo nompala'i belemiu. Misa' bajak nu belemiu ka' mule' misa' pana' nu belemiu na nompo'untung belemiu nahampate.