MAZMUR 44:3 - KITAB NU TUMPU ALLA LELE MA'IMAI'

³ Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

MAZMUR 44:3 ပူးပေါင်းရင်းမြစ်များ

2 SAMUEL 7:23

Songko-songko na dunia madi' ko sa'angu' na bansa anu pokakana sumo Israel. Olamo sa'a-sa'angu'nyo bansa Israel na anu pinobebasmo nu belento, da bolimo timbali posihon da timbalimo mian anu pinalesayamo hi belento Tumpu. Iwi-iwi' na han anu to daka-daka' ka' anu okabangangi, anu binaumo nu belento Tumpu hi aha, sahingga sanggo nu belento tinalasanggomo hi songko-songko na dunia. Aha bansa sangga'at ka' mule' to pilo-pilogot nu aha, i laa'mo nu belento tempo'nyo mian anu pinalesayamo hi belento Tumpu nambamo nahampate.

2 TAWARIKH 20:7

Belentomo na Tumpu Allah mami. Tempo'nyo mian anu palesayamo hi belento, bansa Israel tinokamo i lipu' aiya, i laa'mo nu Belento na to mia-mian anu tempo'nyo aitu jojoong i aiya. Lantas binee'mo nu Belento na lipu' aiya hi lee' i Abram, bela' nu Belento, da ahamo na tumpunyo sampe toka sidu-sidutu'.

MAZMUR 111:6

Ia nompotoamo kuasa-Nyo hi mian anu palesayamo hi Ia, ka' nombee'imo aha tano' pusaka nu to bansa-bansa.

MAZMUR 17:7

Potoa mae na kalibosan nu Belento anu talalo hondo okabangangi kalana nuposalamat nu Belento na mian anu mihohung hi Belento, i sohipi' nu Belento madi' ko anu mompoposia aha ka' madi'mo ko anu molambani mae na sampobali' nu aha.

MAZMUR 20:6

Jadi kami montaligalaimo kalana lame'mo, kalana beleyum inguntungmo na nahampate, ka' nohangkatmo bandela' bau pompuji' Tumpu-nto. O'amalakon da Tumpu mombee' mae iwi-iwi' apaa na anu pinoitamo nu beleyum.

MAZMUR 4:6

Osombahkon na koloban anu ahi' sahondo-hondonyo ka' opalesaya na Tumpu.

MAZMUR 42:11

Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

MAZMUR 42:5

Kinyonyoangku susa'mo de tonginau'mo naipuan mae, salatan aku mambamo i Laigan nu Tumpu, hingga-hinggat tiba mian da'i-da'isan anu mombaumo lamean. Aku ilumajang mamba momona hi aha anu lumajang lame-lame' lewa' montaligalai ka' manyanyi bau pompuji' Tumpu.

MAZMUR 74:11

Kadaka' Belento madi'mo montulungi mae kami? Kadaka' Belento nompojohokmo mae kami?

MAZMUR 77:15

Belentomo na Tumpu anu nombaumo hahan anu okabangangi, kuasa nu Belento, pinonyata'mo nu Belento hi to bansa-bansa.

MAZMUR 78:55

I ahop nu mian anu palesayamo hi ia, i laa'-Nyomo na mian anu jojoong i kiijo', lantas binagi-bagiakon-Nyomo na lipu' aijo' hi iwi-iwi' na tulunan nu bansa Israel mian anu palesayamo hi Ia sahingga aha nonjojoongimo iwi-iwi' na kema' nu sampobali' nu aha.

MAZMUR 80:16

Posalamat mae na mian anu sumomo kau' anggur anu posi Belento na nosu'an, ka' sumpenyo nu anggur anu pinohosonmo nu Belento.

MAZMUR 80:9

Mian anu palesayamo hi Belento sumomo kau' anggur anu i lalinmo mae nu Belento lengkat mae i Mesir. Bansa haha aijo' sangga'at i laa'mo nu Belento, lantas sinu'anmo nu Belento na kau' aijo' i lipu' nu aha.

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

YESAYA 63:12

Iyamo mae na Tumpu anu nonsangaluimo i Musa, nu lima-Nyo maho-mahoson hondo ka' nombagimo ohua' na uee i ahop nu aha da sanggo-nyo talasanggo sampe toka sidu-sidutu'?

ZAKHARIA 4:6

Malaekat aijo' nonsaimo aku da mamba mompotokakon hi Zerubabel potuunon nu Tumpu sumo uuka, “Misa' kalana kahosonan nu suludadu ka' mule' misa' posi kahosonan nu beleyum sahingga binala hasinmo, panyo ola ahi' kalana roh-Ku.

NOMBILANGMO 14:8

De Tumpu monsitujuimo kita. Ia momboamo kita mokiijo' ka' mombee'mo tano'nyo iwi-iwi' anu kaya ka' ma'omuk.

2 KORINTUS 4:7

Panyo halata' nu rohani anu ma'ima' hondo aijo' oboa i butong mami anu madi' ko olinyo aiya anu tano' na binau. Jadi desumo aijo' nyata'mo taalu' kakuasa'an anu daka' aijo' una-una' hi Tumpu misa' hi kami.

PO'ULE' INGULIT 10:15

Panyo kalibosan anu taha-tahahumo nu Tumpu Allah hi mompolee' miu, sahingga mau manjoo' na bansa panyo belemiu na pinile'an-Nyo, ka' sampe tempo' uuka aiya belemiu mian-Nyomo anu pinile'anmo.

YOSUA 24:12

Tempo'nyo belemiu nambamo nontumbuhi aha, pinolingung-Kumo na aha ka' nabuhukmo sahingga ua'aha na tomundo nu Amori haha aijo' nopalaimo nompala'i belemiu. Misa' bajak nu belemiu ka' mule' misa' pana' nu belemiu na nompo'untung belemiu nahampate.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.