MAZMUR 44:2 - KITAB NU TUMPU ALLA LELE MA'IMAI'

² O Tumpu, pinosi hongomo mami sisikon anu sinisikmo nu mompolee' mami mongkona palabuatan anu opalias hondo bibinaumo nu Belento tempo'nyo naipuan mae.

MAZMUR 44:2 ပူးပေါင်းရင်းမြစ်များ

2 SAMUEL 23:12

Panyo i Sama sabole-bolemo nahampate, nompateimo ka' nompatundu'mo mian nu Filistin sahingga noko alamo nompo ago ale' aijo'. Sumo aijo' nu Tumpu nombee'mo ka untungan nahampate anu daka' hondo.

2 SAMUEL 7:10

Ka' mule' kona hi aha mian Israel anu pinalesayamo hi belengku tinoukan-Kumo na tampat ka' Kupalentahmo na aha jojoong ikiijo' da aha tumuu' madi'mo ko anu mompoposia. Salatanmo pe'e aha tinoka u'utu mae i tano' aiya ka' Aku nohangkatmo to pola-polaya' nu aha, aha tinumbuhanmo nu to mia-mian anu toto ue-uesan panyo aijo' madi'mo po ule' jadi. Aku balajanji' saba' beleyum madi'mo ko anu monsampo bali' ka' ko anu mompoposia ka' Ku bee'imo tulunan na beleyum.

MAZMUR 105:44

Tano' nu to bansa-bansa binee'-Nyomo hi aha, iwi-iwi' na ale' nu aha, ahamo mian anu palesayamo hi Ia na tumpu-Nyo,

MAZMUR 78:55

I ahop nu mian anu palesayamo hi ia, i laa'-Nyomo na mian anu jojoong i kiijo', lantas binagi-bagiakon-Nyomo na lipu' aijo' hi iwi-iwi' na tulunan nu bansa Israel mian anu palesayamo hi Ia sahingga aha nonjojoongimo iwi-iwi' na kema' nu sampobali' nu aha.

NOSABATMO 10:2

ka' da beleyum timbali monsisikakon hi lee' nu belemiu mosia na Aku nompahaikakonmo bansa Mesir nu anu okabangangi haha aijo'. Sahingga belemiu iwi-iwi' monsumbu'mo taalu' Akumo aiya na Tumpu.”

NOSABATMO 15:17

Lantas Israel binoamo nu Belento namba i tampat anu pinile'anmo nu Belento da bau kajojoongan nu belento. Aha jinojoongmo i bungkutnyo nu Belento anu susi', i laigan anu pinosi potinjo nu Belento.

NOSABATMO 15:19

Salatan aha mian nu Israel notaapmo i ambai, aha i lumajangmo i lananyo anu notismo. Panyo salatan to kale-kaleta nu aha Mesir tiba ajahan ka' anu sinumake' nokiijo'mo i ambai, Tumpu po'ule'mo nompotimbali ueenyo no ili sahingga aha nolomosmo.

NOSABATMO 23:28

Sampobali' nu belemiu Ku potimbalimo da madi' mosa'angu' ka' to bansa-bansa Hewi, Kana'an ka' Het Ku laa'mo da mompala'imo belemiu, da belemiu lumajang lau-laus.

NOSABATMO 34:11

Tuluti na to atu-atulan anu Ku bee' hi belemiu sinaa aiya. Aku nolaa'mo bansa Amori, Kana'an, Het, Feris, Hewi, ka' Yebus da belemiu mambamo mahampate.

YESAYA 51:9

Tinjomo mae o, Tumpu, ka' tulungi mae na kami, posalamatakon mae na kami nu kuasa nu Belento, Tinjomo mae susumo naipuan mae tempo'nyo Belento nompohintutumo i Rahab ka' nonjalo'mo ulo daka-daka' nu ambai aijo' sampe inate.

YEREMIA 32:23

Panyo salatan aha tinokamo ilipu' aiya ka' po ule'mo no ngala lipu' aiya, aha madi'mo nontuluti palentah iwi-iwi' nu Belento, ka' madi'mo tinumuu' mombatuki ajalan-ajalan nu Belento. Iwi-iwi' na anu Nu palentahkon hi aha mau sa'angu' madi' ko anu binau nu aha. Kalana aijo' Belento nompotokamo mae iwi-iwi' na balaa' aiya hi aha.

NOMBILANGMO 13:32

Lantas aha nombebakonmo sisik anu baleko' hi aha mian nu Israel mongkona i lipu' anu dinoyonanmo nu aha. Aha notatae, “Lipu' aijo' mombahayai, apaa mule' aha miannyo anu monjojoongi. Aha miannyo anu tinoa mami kiijo' to daka-daka' na butongnyo.

PO'ULE' INGULIT 32:7

O inau' na tempo' naipuan mae, palahatikan na tulunan nu aha anu u'utu mae, Pokilawa hi to tu'a-tu'anyo nu belemiu, da nupoto'i nu aha hi belemiu.

PO'ULE' INGULIT 4:38

Aha bansa-bansa anu lebe daka' ka' lebe mahoson i laa'-Nyo ka' nompala'imo belemiu kalana nolaya'mo belemiu mamba i lipu' nu aha, anu binee'-Nyomo hi belemiu, lipu' anu uuka aiya tinimbalimo anu nu belemiu.

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

YOSUA 10:11

Tempo'nyo aha mian nu Amori nokaiyongmo i tengke nu bungkutnyo aijo' kalana nopalaimo da boli nukabot nu aha suludadu nu Israel, Tumpu nontudunakonmo mae ujan eis anu toto daka-daka' lengkat mae i langit nongkona aha tutuus jalan kojo'onnyo tinoka-toka i Azeka. Anu sinilaka kinona nu ujan eis aijo' lebe manjoo' molingkudui anu pinatean nu aha mian nu Israel.

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

YOSUA 11:23

Songko-songko na lipu' aijo' pinatundu'mo i Yosua susumo anu pinalentahkonmo nu Tumpu hi Musa, ka' binee'mo hi bansa Israel tinimbalimo aha na tumpunyo. Lipu' haha aijo' binagi-bagimo ka' toto sa'angu' na tulunan nu bansa nohumpakmo sa'angu' na bahagian. Bansa Israel madi'mo lewa' nahampate ka' lipu' nu aha madi'mo ko anu lewa' mompoposia.

YOSUA 21:43

Sumo aijo' na Tumpu nombee' hi aha mian nu Israel songko-songko na tano' anu sinumpa'akonmo na jinanji' hi mompolee' nu aha. Salatan aha jinojoongmo i lipu' aijo' aha mian nu Israel tinataapmo ikiijo'.

YOSUA 24:12

Tempo'nyo belemiu nambamo nontumbuhi aha, pinolingung-Kumo na aha ka' nabuhukmo sahingga ua'aha na tomundo nu Amori haha aijo' nopalaimo nompala'i belemiu. Misa' bajak nu belemiu ka' mule' misa' pana' nu belemiu na nompo'untung belemiu nahampate.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

TO MIA-MIAN KOPIAN 6:13

Tinaaman i Gideon, “Ampun, tuan! De totu'u belento Tumpu monsangaja'imo mae kami kadaka' iwi-iwi' na han aiya nongkonamo mae kami. Iyamo na han anu okabangangi iwi-iwi', anu toho'mo binau nu Tumpu naipuan mae anu sinisikmo nu mompolee' mami mosia na Tumpu nonsabatakonmo aha lengkat mae i Mesir? Uuka aiya Tumpu nompala'imo kami ka' nompojohokmo kami nukuasai nu aha mian Midian.”