MAZMUR 44:17 - KITAB NU TUMPU ALLA LELE MA'IMAI'

¹⁷ kalana nohongomo anu sola' mongkokojoi mae ka' anu sola' mongalu mae, lengkat inganga' nu sampobaliku ka' anu mongka'ideki mae.

MAZMUR 44:17 ပူးပေါင်းရင်းမြစ်များ

MAZMUR 44:20

Panyo pinala'ianmo nu Belento na kami i uno nu pikat; kami madi'mo noko ala gawe hi binatang anu mahangas.

MAZMUR 78:57

Aha nombaumo kalakuan anu ma'idek susumo mompolee' mae nu aha, ka' madi'mo timbali opalesaya sumomo pompana' anu tinageo'mo.

MAZMUR 78:7

Tiba jalan anu sumo aijo' aha singkonaje mule' ahi' ola samata-mata taha'iman hi Tumpu, ka' madi' nukolilimi nu aha na palabuatan-Nyo, panyo saja' ahi' tulu-tulutan hi palentah-Nyo,

MAZMUR 9:17

Tumpu nompotoamo butong-Nyo kalana kaputusan-Nyo anu adin hondo. Mian anu ma'idek na kinyonyoanyo nohumpakmo hukuman sinaduakonmo nu anu pinosi baunyomo.

YESAYA 17:10

O, Israel beleyum nongkolilimo Tumpu anu nomposalamatmo ka' nonjagaimo beleyum susumo bungkutnyo nu batu anu mahoson hondo. Panyo ola mule' ahi' beleyum nonsu'anino ale' anu osombahkon hi pilogot.

YEREMIA 2:32

Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

YEHEZKIEL 16:59

Tumpu Anu Matangkas na Kuasanyo notatae, “Beleyum Ku hukumo sitimbang tiba palabuatan nu beleyum, kalana beleyum madi'mo nontuluti anu sinumpa'akonmo nu beleka' mule' nolanggaimo palajanjian-Ku anu binaumo tiba beleyum.

YEHEZKIEL 20:37

Belemiu Ku kensengimo na mompalentah da otulutimo nu belemiu na palajanjian-Ku.

DANIEL 9:13

Iwi-iwi' na balaa' anu tinulismo i uno nu atulan i Musa binee'mo mae nu belento hi kami. Panyo maumo ahi' sumo aijo' o, Tumpu mami daagi' ahi' saja' kami madi' mombau anu momposanang kinyonyoa nu Belento. Kami daagi' sabole-bole madi' mongka'oho' mompala'i iwi-iwi na dosa' mami ka' madi mule' mongka'oho' mompalahatikan to panga-pangajalan nu Belento.

PO'ULE' INGULIT 6:12

o jaga mae ima-ima' da belemiu boli mongkolilimi Tumpu anu nompobebasmo belemiu lengkat mae i Mesir, i tampat belemiu binotuanan.

PO'ULE' INGULIT 8:14

Ojaga ima-ima' da belemiu boli kobubuun ka' mongkolilimimo Tumpu Allah nu belemiu anu mompobebasmo belemiu lengkat mae i Mesir tampat nu belemiu binotuanan.