MAZMUR 44:14 - KITAB NU TUMPU ALLA LELE MA'IMAI'

¹⁴ Pinotimbalimo nu Belento na kami sola' nu kokojoi nu mian anu mompaha ohani tiba kami aha sola'mo mongalu ka' mongkokojoi kami.

MAZMUR 44:14 ပူးပေါင်းရင်းမြစ်များ

1 TOMU-TOMUNDO' 9:7

saba' Ku laa'mo na mian nu Israel anu pinalesayamo hi beleng-Ku haha aijo' da bolimo jojoong i lipu' anu binee'-kumo hi aha. Ka' mule' Ku pala'imo na Laigan aiya anu tinantukan-Kumo bau ponsomban Aku. Iyaya mae mian nu Israel saja' opopo ambang ka' okokojoi.

2 TOMU-TOMUNDO' 19:21

Tumpu notatae, “Kota' Yerusalem nongkokojoimo ka' nompopoambangmo belento Sanherib.

2 TAWARIKH 7:20

saba' ku sabatakonmo na belemiu da bolimo jojoong i lipu' anu binee'-Kumo hi belemiu. Ka' mule' Ku pala'imo na laigan aiya anu tinantukankumo bau tampat ponsomban Aku. Toka-toka pa' iyaya mae saja' o'alu ka' okokojoi na laigan aiya.

NEHEMIA 2:17

Panyo mamanga ahi' pinoto'ingkumo hi aha, “Soba toa na kita sinansalamo sumo aiya! Yerusalem me himpupuknyo ka' sabatannyo anu toto daka-daka' pinapuanmo nu apu. Imbo' da kita po'ule'mo mombau pagan mesen nu kota' Yerusalem da kita bolimo lewa' o'alu.”

AYUB 16:4

De bisuannyo belemiu aiya aku, ka' aku aiya na belemiu, aku suele timbalimo motatae sumo belemiu atina'. Mingiaba'mo na potataengku moitina' hi belemiu; ubaku ku lilo-lilokakonmo.

AYUB 17:6

Uuka aiya aku lewa'mo mae opopihongoi kantuang monsisik anu madi' ma'ima'; aha toka mae montupe'i ohupku.

MAZMUR 109:25

To mia-mian anu montoa mae aku, mongalu mae aku ka' molilo-lilokakon ubak.

MAZMUR 123:3

Kalibosiakon mae na kami o, Tumpu, kalibosiakon mae na kami kalana kami talalomo saja' ingalu.

MAZMUR 22:7

Panyo aku aiya ias, misa' manusia, o'alu ka' opopo'ambang nu mian da'isan.

MAZMUR 79:4

Kami tinimbalimo han anu lewa' o aluu ka' okokojoi nu to bansa-bansa anu mompaha ohani, aha lewa' mongkokojoi ka' mongalu kami.

YESAYA 37:22

pinoto'i nu Tumpu, “Kota' Yerusalem mongkokojoimo ka' mongalumo beleyum, Sanherib!

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.