MAZMUR 44:10 - KITAB NU TUMPU ALLA LELE MA'IMAI'

¹⁰ Panyo uuka aiya Belento nompala'imo kami ka' nompojohokmo mae kami da opokalamo. Belento madi'mo daagi' mamba montumbuhi hingga-hinggat tiba suludadu mami.

MAZMUR 44:10 ပူးပေါင်းရင်းမြစ်များ

MAZMUR 60:12

O, Tumpu, pa' madi' na Belento mamba hingga-hinggat tiba kami? Pa' madi' na Belento mamba mahampate tiba suludadu mami?

MAZMUR 89:39

Panyo uuka aiya Belento nontambuha'imo i tomundo, Belento nompojohokmo ka' madi'mo nongkali-kalinga mian anu pinile'anmo nu Belento.

MAZMUR 89:41

I hobo'akonmo nu Belento na pagan mesen iwi-iwi' i kota' kajojoongannyo, bentengnyo iwi-iwi' i hobo'akonmo nu Belento.

MAZMUR 89:43

Belento nompo'untungmo nahampate aha anu monsampobali' mae ia, ka' iwi-iwi' na mian anu nongewa mae ia i lame'mo.

YESAYA 10:14

Bansa-bansa idunia aiya pokakanamo susumo peta nu tomonsi'; dengke hondo na aku mongala halata' nu aha, sumomo ahi' mian mongkakup nggalau' anu pinala'ianmo aijo' i petaanyo. Madi' kopolipiknyo mompahasi mae ka'mule' madi' kotungkusnyo tolonganga' mae molokes.”

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YEREMIA 15:13

Tumpu notataemo mae hi belengku, “Ku saimo na sampobali' da momboamo kakaya'an tiba halata' nu mian anu palesayamo hi beleng-Ku salaku baumo pohukum dosa-dosa' anu binaumo nu aha isongko-songko na lipu'.

YEREMIA 20:8

Setiap aku motataemo, tionyo ahi' ku loboo'akon hoso-hoson, “Balaa'! Anu taha-tahahumo tokame mae!” O Tumpu aku lewa' okokojoi ka' opopo ambang sansina-sinaa kalana saja' monsisikakon potuunon nu Belento.

IMAMAT 26:14

Tumpu notataemo, “De belemiu madi' mohongo-hongo Aku ka' madi' mombau anu Ku palentahkon,

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

NOMBILANGMO 14:42

Boli mamba! Belemiu nupatundu'mo nu anu monsampobali' belemiu kalana Tumpu madi' monsangalui belemiu.

NOMBILANGMO 14:43

De belemiu mahandupa'mo tiba mian nu Amalek ka' mian nu Kana'an aijo', belemiu silakamo i pahampatean. Tumpu madi'mo monsangalui belemiu kalana belemiu madi' tulu-tulutan hi Ia.”

PO'ULE' INGULIT 28:25

De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.

YOSUA 7:12

Mokonyo aijo' aha madi' noko ala nongewa ka' nongahopi sampobali'. Aku madi'mo monsangalui belemiu, de balang haha aijo' anu madi' timbali o ala ma'isa pe'e ohopu'i.

YOSUA 7:8

O Tumpu! Sampobali' nohungku'imo ka' ninsusule'mo mae na aha mian nu Israel. Uuka aiya apaa na anu tionyo ahi' ku taloakon!

1 SAMUEL 4:17

Anu nomboa mae lele aijo' nontaami, “Israel nopalaimo kalana nahungku'mo hi aha mian Filistin. Kita nahungku'mo totu-totu'u manjoo'mo na mian sinilaka, ka' suele ua-ua aha na anak nu belento Tuuma, i Hofni tiba i Pinehas. Ka' Peti' Palajanjian nu Tumpu Allah suele ingagoanmo nu aha sampo bali'!”