MAZMUR 43:1 - KITAB NU TUMPU ALLA LELE MA'IMAI'

¹ Bee'i mae ka adinan hi belengku, o Tumpu, tinjohiakon mae na aku da madi' nu kabisa'i nu bansa anu geguan. Pobebas mae na aku da madi' nu patei nu mian anu ma'idek na kinyonyoa nu aha tiba anu saja' mongakali.

MAZMUR 43:1 ပူးပေါင်းရင်းမြစ်များ

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

2 SAMUEL 16:20

Lapas aitu pinokilawamo i Absalom hi Ahitofel, “Soba poto'i mae apaa na anu tionyo ahi' obaunto.”

2 SAMUEL 18:8

Nahampate tempo'nyo aitu nompaka lambanimo iwi-iwi' na da'erah aijo' ka' mule' lebe manjoo' na mian sinilaka kalana kinadang nu panga' nu kau' kiijo' i uno nu alas, sahanyo anu sinilaka nahampate na madi' nanjoo'.

MAZMUR 140:5

O, Tumpu, jagaiakon mae na aku da madi' opoposia nu kakuasa'an nu mian anu ma'idek na kinyonyoanyo, jagaiakon mae na aku da madi' opoposia nu mian anu talalo hondo buhingison na mompalentah, anu ko tanga'an monsila kaimo aku.

MAZMUR 26:1

Mazmur i Daud. Bee'i mae ka'adilan na aku, o Tumpu, kalana kinyonyoangku hodi' hondo i uno nu kantumuu'anku. Aku montaha'imani hondo Tumpu, ka' madi' hondo bata-bata maumo ola sangkiding.

MAZMUR 35:1

Mazmur i Daud. O Tumpu, ewa na mian anu mongewamo mae aku, pahampateakon na mian anu mompahampateakonmo mae aku.

MAZMUR 35:24

Tinjohi mae na aku, kalana Belento adin, o Tumpungku boli opojohok mae na sampobali' mongkokojoi mae aku.

MAZMUR 5:6

Belento madi' sanang na montoa mian anu mingkinyonyoa matangkas, oka'ideki nu Belento na mian mombau anu ma'idek.

MAZMUR 54:3

O Tumpu posalamatakon mae na aku nu kuasa nu Belento, bee'i mae ka adinan hi belengku ka kahosonan nu Belento.

MAZMUR 7:7

Tinjomo ka' potambuha'mo mae na Belento, o Tumpu, ka' ewamo na to mia-mian anu mongewamo mae aku. Tinjomo ka' tulungimo mae na aku, kalana Belento montuntut ka'adilan.

MAZMUR 7:8

Posihukmo na to bansa-bansa montikubi Belento ka' kuasaimo na aha lengkat mae atina' i kasuhangan nu Belento i suluga'.

MAZMUR 7:9

Belentomo na momputusi manusia; bee'i mae na aku ka'adilan, o Tumpu kalana aku madi' ko kasala'an.

MAZMUR 71:4

O, Tumpu-ngku potumuu'akon mae na aku da madi' nusilakai nu mian anu ma'idek na kinonyoanyo, i kuasa nu to mia-mian anu uesan ka' buhingison.

MAZMUR 75:7

Kalana anu momputusi ulusan misa' molengkat mae i sasu kabete'an kabai i sasu kinsoban misa' mule' molengkat mae i sasu utara kabai i sasu selatan.

AMSAL 22:23

Kalana, Tumpu na monsangaja'i palakala nu aha ka' mongala napas nu mian anu mombee'i kasansala'an aha.

AMSAL 23:11

Kalana Tumpu atina'mo na montinjohi iamo na anu montinjohi aha mongewa beleyum.

MIKHA 7:9

Kita binaladosa'mo hi Tumpu kalana aijo' uuka aiya kita tionyo ahi' mongoa'imo kapusan-Nyo. Panyo madi'mo pin Ia monsangaja'imo kita ka' mule' mombee'imo ka adilan hi kita. Ia monsabatakonmo kita ka' momboamo ijingka; kita mongoa'imo kasalamatan lengkat hi Ia.

1 KORINTUS 4:4

Aku madi' mongoa'i sala' i uno nu han mau mule' pa' apaa, panyo aijo' misa' bukuti' au'-aitu aku memang madi' kosala'nyo. Posi Tumpuje na montantukan aku kosala'nyo kabai madi'.

1 PETRUS 2:23

Tempo'nyo Ia inguda-udahan, Ia madi' suele nonguda-udahi. Tempo'nyo Ia nongoa'i sansala Ia madi' noto muhuk, Ia ola nonsimpalakon palakala-Nyo hi Tumpu, Mian Kopian anu adin aijo'.

1 SAMUEL 24:15

Soba toa mae na aku aiya anu kahanda'mo nu patei nu tomundo' nu Israel! Soba toa mae na aku aiya anu lewa'mo nu loloi' nu aha! Aku aiya ola sumo sa'angu' na dedeng anu natemo, ola susumo sa'angu' na somoyu.