MAZMUR 42:9 - KITAB NU TUMPU ALLA LELE MA'IMAI'

⁹ O'amalakon da Tumpu mompotoa mae kalibosan-Nyo de sinaamo, sahingga de malomo aku manyanyimo, ka' balado'amo hi Tumpu anu pinolengkatan mae nu kantumuu'anku.

MAZMUR 42:9 ပူးပေါင်းရင်းမြစ်များ

MAZMUR 13:1

Anu mongkapalai panyanyi. Mazmur i Daud.

MAZMUR 18:2

Ku ka'ima'i na Belento, o Tumpu, Belentomo na tinimbali kahosonanku.

MAZMUR 28:1

Mazmur i Daud. O Tumpu hi Belento na pongkakaseanku da otulungi mae, Belento na montinjohi mae aku. De Belento madi' mohongo mae aku aku sumomo mian anu mintatau'mo iliang nu kubun.

MAZMUR 38:6

Songko-songko na belangku ninana'mo ka' nabusikmo, kalana aku nimbalu-balu'mo mian anu ponga'.

MAZMUR 43:2

Belentomo na Tumpu, anu monjagai mae aku; kadaka' Belento nompala'imo aku? Kadaka' aku me saja' mongoa'i sansala', kalana talalomo ahi' na pombau mae nu aha anu monsampobali' mae aku?

MAZMUR 55:3

Palahatikanakon mae na aku ka' taami mae na aku, aku silakamo nu kasusa'anku.

MAZMUR 62:2

Santuu'ku madi'mo mabuhuk kalana montanda'imo Tumpu, olamo samata-mata lengkat mae hi ia na kasalamatanku.

MAZMUR 77:9

Pa' Ia madi'mo mongkalibosi kami? Pa' madi'mo daagi' Ia mongganapi palajanjian-Nyo?

MAZMUR 78:35

Aha tonginau'mo saba' Tumpu aijo'mo na nonjagai aha, ka' saba' Anu Matangkas na Kuasanyo aijo'mo na nomposalamat aha.

MAZMUR 88:9

To mia-mian anu mompahasumbu' tiba aku pinojo'onmo nu Belento hi belengku, ka' pinotimbalimo nu Belento na aku da mompobubun nganga' nu aha. Aku pinojoongmo nu aha kiijo' i unonyo ka' madi'mo noko ala nosabat,

MAZMUR 92:3

mombebakon kalibosan nu Belento salatan subu-subumo, ka' kanonongan nu Belento salatan pihimo.

ANU MOMPOLELE POTATAE NU TUMPU 4:1

Lapas aitu pinalahatikanku mule' iwi-iwi' na anu jinadimo i dunia aiya madi adin. Batu-batu mian anu kinabisa'an i humang ka' madi' ko anu mongka'oho' montulungi aha. Madi' ko mian anu mongka'oho' montulungi, kalana anu mongkabisa'i aijo' ko kuasa anu daka' hondo.

YESAYA 40:27

Jadi beleyum Israel kadaka' beleyum saja'mo montaeakon kasusa'an, au' aitu Tumpu nu beleyum madi' monsumbu' kasusa'an nu beleyum? Au' aitu Ia madi'mo monginau beleyum, ka' madi'mo mompalahatikan hak nu beleyum?

YESAYA 49:15

Tumpu nontaamimo mae, Ia notatae, “Tetoho' mule' samian na tina nu anak mongkolilimi anaknyo, ka' madi'mo mongkalibosi anak anu kinandungnyomo? Maumo ahi' ia na mongkolilimimo, panyo Aku na madi' ahi' mongkolilimi beleyum!