MAZMUR 42:5 - KITAB NU TUMPU ALLA LELE MA'IMAI'

⁵ Kinyonyoangku susa'mo de tonginau'mo naipuan mae, salatan aku mambamo i Laigan nu Tumpu, hingga-hinggat tiba mian da'i-da'isan anu mombaumo lamean. Aku ilumajang mamba momona hi aha anu lumajang lame-lame' lewa' montaligalai ka' manyanyi bau pompuji' Tumpu.

MAZMUR 42:5 ပူးပေါင်းရင်းမြစ်များ

AYUB 13:15

Aku sabinmo, kalana madi'mo ko anu otaha'imani! De nu silakaimo nu Tumpu Allah na aku, ku halala'akonmo na butongku aiya, panyo ku poto'i ahi' na kahondoan nu kalakuanku i ahop-Nyo.

MAZMUR 35:14

susumo mondo'akon samian na utus kabaisamian na bela anu mompaha kanaya hondo. Aku tinolodukumo nohangi aha au'aitu aku nohangimo posi tinangku.

MAZMUR 37:7

Tanda'imo na Tumpu nu kinyonyoa anu saban popea' nu kasabanan, Iaje ahi' na montindaki. Boli bata-bata kalana mian anu kinohasinnyomo i uno nu kantumuu'annyo kabai anu nombaumo palabuatan sola mongakali.

MAZMUR 38:6

Songko-songko na belangku ninana'mo ka' nabusikmo, kalana aku nimbalu-balu'mo mian anu ponga'.

MAZMUR 42:11

Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

MAZMUR 43:5

Kadaka' kinyonyoangku sinusa'mo ka' madi'mo tinatap? Aku montaha'imani Tumpu, sahingga aku daagi' ahi' montalima kaseh hi Ia, hi Tumpungku ka' anu momposalamat aku.

MAZMUR 44:3

Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

MAZMUR 56:11

Aku mompuji'mo Tumpu, kalana apaa na anu jinanji'Nyomo.

MAZMUR 56:3

Sansina-sinaa na aku opahampeja'akon nu mian anu nongewamo mae aku; manjoo' hondo na mian anu nonsampobali'mo mae aku, o Tumpu Anu Matangkas na Kuasa-Nyo.

MAZMUR 61:2

Potombihingakon mae na anu ku kakase aiya, o, Tumpu, inau'akon mae na do'angku aiya.

MAZMUR 71:14

Panyo aku na saja' ahi' montaha'imani Belento, ka' lebe saja'mo ahi' mompuji' Belento.

MAZMUR 77:3

Tempo'nyo sinusa'mo hondo, aku binalado'amo hi Tumpu; Sampahu-pahu ku hangkat na limangku mokiita' hi Ia madi' aku ma'osa, panyo kinyonyoangku madi'mo mongka'oho' ohase'.

YESAYA 30:29

Panyo belemiu mian anu palesayamo Tumpu, saidi' mae lame'mo ka' lewa'mo manyanyi susumo pihi de molame'akon agama. Belemiu saidi' mae bilahimo susumo to mia-mian lumajang mojajalan tiba mian anu mompuhi puloit mamba i Laigan nu Tumpu, anu monsangaja'i Israel.

YESAYA 50:10

O, belemiu anu moholomati Tumpu, ka' mompotombihing mae potatae nu posaihon-Nyo, jalan anu otului nu belemiu ugaat ahi' pintung madi' kojingkanyo anu monjingkai belemiu; panyo palesaya na Tumpu; paninseha hi Tumpu nu belemiu.

NOMBILANGMO 6:26

O amalakon da Tumpu mongkalibosi belemiu ka' mombee'i kadamean hi belemiu.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

MATIUS 26:38

Ia notatae hi anu saja' mombatuki Ia, “Kinyonyoang-Ku molibos hondo, Ku oa'i sumo sahanyo matemo. Jojoongmo na komiu i aiya, ka' bajaga-jagamo tiba Aku.”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.