MAZMUR 42:4 - KITAB NU TUMPU ALLA LELE MA'IMAI'

⁴ Sinaa pihi aku sola'mo humang, me mongkaan lolu'ku. Sansina-sina na sampobali'ku mompokilawa mae, “Iyamo mae na Tumpu nu beleyum?”

MAZMUR 42:4 ပူးပေါင်းရင်းမြစ်များ

2 TOMU-TOMUNDO' 18:30

Boli mompajuli apaa na pagala nu sale'akon hi belemiu tukoonyo Tumpu na otaha'imani. Boli monsangka Tumpu na momposalamat belemiu, kabai montewa' suludadu nu Asyur da boli mongala kota' nu belemiu.

2 TOMU-TOMUNDO' 18:32

Sampe tokaje na tempo'nyo belemiu ku boaje i lipu' sangga'at anu momoho' pokakana susumo lipu' nu belemiu. I kiijo' mae ko ale' nu anggur anu pongalapan miu bua'nyo, ka' ale' nu gandum anu timbali obau labu ka' okaan nu belemiu. I lipu' aijo' manjoo' na kau' Zaitun, lanya' nu zaitun ka' juu' nu uani'. De belemiu montuluti apaa na anu ku poto'i hi belemiu, belemiu tumuu', ka' madi' silaka. Boli mohongo-hongo i Hizkia! Ia ola mongakali belemiu nu potataenyo, tukoonyo Tumpu na momposalamat belemiu.

2 TAWARIKH 7:10

ka' dodo-dodopnyo, i tanggal bitu'on anu ko popitu'nyomo pinokaumo i Salomo na mian haha aijo' da minsusule'mo. Aha i lame'mo hondo kalana iwi-iwi' apaa na anu ma'ima' binaumo nu Tumpu hi bansa Israel mian anu pinalesayamo hi Ia, hi Daud ka' hi Salomo.

AYUB 29:2

“De timbali da kantumuu'anku mompo'ule' mule' susumo u'utu mae, daagi' tempo'nyo Tumpu Allah montoa ka' monjagai mae aku.

MAZMUR 100:4

Pinsoopmo montulu sabatannyo daka-daka' ka' onyanyi na nyanyian anu bau pontalima kaseh, i uno nu popasannyo ka' onyanyi na nyanyian anu bau pompuji'. Pontalima kasehmo hi Ia ka' puji'mo na Ia!

MAZMUR 102:10

Aku mongkaan abu' sumomo roti, anu ku inum mogalo-galo'mo lolu',

MAZMUR 115:2

Kadaka' iwi-iwi' na bansa motataemo, “Iya mae na Tumpu nu aha?”

MAZMUR 122:1

Nyanyian i Daud mamba i tampat anu ko balakatnyo. Aku lame' hondo salatan mian nompoto'imo hi belengku, “Imbo' da kita mambamo i Laigan nu Tumpu!”

MAZMUR 122:8

Kona hi to utu-utus ka' to sanga-sangalungku aku motatae, “O' amalakon da beleyum mohumpak kantumuuan ma'ima'!”

MAZMUR 55:14

Panyo taalu' beleyum ahi', sangalungku, sampobela'ku, sangalungku anu mompaha kanaya hondo na nombaumo mae anu ma'idek hi belengku.

MAZMUR 62:8

Iamo na Tumpu anu mombee'imo mae aku kasalamatan ka' kaholomatan, Iamo na anu nonjagai mae aku ka' anu nontinjohimo mae aku anu otaha'imani.

MAZMUR 79:10

Boli opobee' na bansa sangga'at mompokilawa mae kami “Iya mae na Tumpu nu aha?” Bakas da kami montoa to bansa-bansa obalosakon anu mompateimo to posa-posaihon nu Belento.

MAZMUR 80:6

Kami lewa' humang aijo'mo na kaanon mami anu binee'mo nu Belento lolu' nanjoo'mo hondo na o inum mami.

YESAYA 30:29

Panyo belemiu mian anu palesayamo Tumpu, saidi' mae lame'mo ka' lewa'mo manyanyi susumo pihi de molame'akon agama. Belemiu saidi' mae bilahimo susumo to mia-mian lumajang mojajalan tiba mian anu mompuhi puloit mamba i Laigan nu Tumpu, anu monsangaja'i Israel.

MOHAANGI 2:19

Po uli-ulit na mobula sampahu da oloboo'akon iwi-iwi' na isi nu kinyonyoa nu beleyum hi Tumpu. Poita da Ia molibos mae hi to ana-anak nu beleyum anu no ohopmo, ka' mule' anu pinoso'mo i iwi-iwi' na teku'an nu jalan.

MOHAANGI 4:1

Mosoni' anu jongkilaban madi'mo jinongkilaban iwi-iwi na batu i laigan nu Tumpu Allah nodaya-dayamo i jalan.

YEHEZKIEL 46:10

Anu balakuasa tionyo ahi' minsoop i Laigan nu Tumpu hingga-hinggat tiba mian da'isan ka' mule de minsusule'mo tionyo ahi' po ule' mohingga-hinggat.

YOËL 2:17

Pokau na to ima-imam anu montuluti palentah nu Tumpu, haangmo atina' i olot nu mezbah ka' i gandalia i ahop, ka' motatae, “Kalibosi na mian anu palesayamo hi Belento boli opojohok na anu nu belento dumo timbali anu moko ambang.” Sahingga to bansa-bansa sangga'at monsindin ka' motatae, “Iya mae na Tumpu nu aha?”

NAHUM 1:15

Soba toa samian na anu sinai mae tokamo mae montulu iwi-iwi na bungkutnyo momboa mae lele ma'ima' lele inguntungmo na nahampate. O bansa Yehuda lame'akon na sinaa daka' nu belemiu ka' bayanmo na anu jinanji'mo nu belemiu hi Tumpu. Lipu' nu belemiu madi'mo daagi opalentah nu to mia-mian anu ma'idek na kinyonyoanyo. Aha ihansunmo iwi-iwi'.

LUKAS 16:25

Panyo i Abraham nontaami, ‘Tutugi anakku: Salatanmo pe'e tinuu'um, beleyum nohumpakmo anu toto ima-ima'; sadang i Lazarus nohumpak anu toto ide-idek. Uuka ia sanangmo i aiya, ka' beleyumo na sansala.

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

I RUT 1:21

Tempo'nyo aku nompala'imo aiya, iwi-iwi' daagi' hi belengku, panyo uuka aiya Tumpu nonsule'akonmo mae aku madi'mo ko apa-apaa me lima sampulu'. Mokonyo aijo' bolimo belemiu molaga aku i Na'omi, kalana Tumpu Anu Daka' na kuasanyo nohukumo aku manjoo' hondo na kasala'an!”