MAZMUR 42:2 - KITAB NU TUMPU ALLA LELE MA'IMAI'

² Susumo jonga mongindimo uee nu kaunyo sumo aijo'mo na santuu'ku lewa'mo mongindi' Belento, o Tumpu Allah.

MAZMUR 42:2 ပူးပေါင်းရင်းမြစ်များ

AYUB 23:3

Ah, paya', de bisuannyo ku sumbu' na kajojoongan-Nyo, da aku mamba singkabot tiba Ia.

MAZMUR 27:4

Ola sa'angu' na anu ku kakase hi Tumpu, ola aiya na anu ku kahanda'i: jojoong i Laigan nu Tumpu sampe toka sidu-sidutu' de aku daagi' tutuu' da ku oa'i na kanonongan nu Tumpu, ka' mongkakase da nu pokinde'i mae nu Tumpu.

MAZMUR 43:4

Sahingga aku mompanjolongimo mezbah nu Tumpu, mangadap hi Tumpu anu pinolengkatan mae nu ka'ima'an nu kantumuu'anku. Aku manyanyimo ka' mongkuti'mo kasapi', bau pompuji' Belento, O Tumpu, Tumpungku.

MAZMUR 63:1

Mazmur i Daud, tempo'nyo ia kiijo' mae i tampat anu mateges hondo i tano' Yehuda.

MAZMUR 63:3

Da aku montoa Belento i laigan nu Belento, ka' montoa kahosonan ka' katalasanggoan nu Belento.

MAZMUR 84:10

Balakatiakon mae na tomundo' mami, O, Tumpu, jagaiakon mae na mian anu pinile'anumo nu Belento.

MAZMUR 84:2

Ma'ima' ka' momposanang hondo kinyonyoa na kajojoongan nu Belento, o, Tumpu Anu Daka' na Kuasanyo!

MAZMUR 84:4

Ka' mule' tomonsi' toto ise-ise binee'anmo laigan ka' tomonsi petajuk suele binee'anmo sa'angu' na peta, bau pompojoongan nu aha soma'nyo koko mezbah nu Belento, O, Tumpu Anu Daka' na Kuasanyo, Tomundo'ku ka' Tumpu-ngku.

MAZMUR 84:7

Hau-haunyo aha lumajang motulu i bangka'nyo nu Ahelat, tampat aijo' binali'anmo nu aha tinimbalimo mata nu uee, ujan anu momona tinudun nabohos hondo aijo', salakumo balakat.

NOSABATMO 23:17

De konamo i taun, molame'akonmo totolu' na lamean aijo', iwi-iwi' na to momo'ane tionyo ahi' tokamo mae monsombah Aku, Tumpu Allah nu belemiu.

YESAYA 26:8

Kami montulutimo kaputusan nu Belento, o, Tumpu, ka' saja'mo montanda'i Belento; Belentomo na anu opuji ka' mule' anu o, inau'nu kinyonyoa mami.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

YOHANES 5:26

Sumo Tuuma pinolengkatan nu kantumuu'an, Ia suele mompotimbali Anak-Nyo polengkatan nu kantumuu'an.

YOHANES 7:37

I sinaa kamingkotannyomo nu lamean aijo', aijo'mo sinaa anu talalo hondo penting, i Yesus tinuminjomo i Laigan nu Tumpu ka' notatae daka-daka', “Mian anu megot toka mae hi beleng-Ku da monginum.

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

ANU PINOTO'I HI YOHANES 22:1

Malaikat aijo' suele nompotoa hi belengku kaunyo anu ueenyo mombee'i kantumuu'an. Uee nu kaunyo aijo' jongkilaban sumo intan ka' mo'ili lengkat mae i kasungan nu Tumpu ka' Anak nu Domba aijo',