MAZMUR 41:9 - KITAB NU TUMPU ALLA LELE MA'IMAI'

⁹ Aha notatae, “Panyakitnyo tinadokmo hondo, ia madi'mo bisa po ule' mobula.”

MAZMUR 41:9 ပူးပေါင်းရင်းမြစ်များ

2 SAMUEL 15:12

Lantas hau-haunyo i Absalom nonsombahkonmo koloban ia mule' ahi' nonsaimo mian namba i kota' Gilo da molaga mae i Ahitofel, sala'samian anu lewa' mompokinde'i Tomundo' Daud. Sumo aijo' na kasangaja'an anu ma'idek hi Tomundo' lebemo nompaka pahoson ka' nompaka panjoo'mo na anu mombatuki i Absalom.

AYUB 19:13

To utu-utusku pinojo'on-Nyomo hi belengku; iwi-iwi' na mian anu mompahasumbu' tiba aku madi'mo monsumbu' aku, aha montoa mae aku sumomo mian anu i salipu'an.

AYUB 19:19

To sanga-sangalungku anu mompahakona hondo aku, mongkahegatimo na montoa mae aku; aku pinala'ianmo nu aha anu kuku kalibosi.

MAZMUR 101:3

kalakuan anu ma'idek madi'mo ola ku pojohok. Ku ka'idekimo na palabuatan nu mian anu moteba'mo na kapalesaya'annyo, ka' madi'mo moninggalo' hi aha.

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

OBAJA 1:7

Beleyum o akalimo nu mian anu nosa'angu'mo nontulungi belemiu ka' ilaa'mo mae lengkat i kampung nu belemiu. Belemiu pinatundu'mo nu to sanga-sangalu nu belemiu, tinuamo nu mian anu nongkaan hingga-hinggat tiba belemiu. Aha lewa'mo noleleki mongkona butong nu beleyum. ‘Iyamo uuka aiya na kapandeannyo aijo' iwi-iwi'?’

MIKHA 7:5

Boli mompalesaya anu mompaha ohani laigan nu belemiu, boli montaha'imani sangko sangalu nu belemiu. Obala'ingati na belemiu motatae, mau mule' anu mohongo posi bengkele' nu belemiu.

MATIUS 26:23

I Yesus nontaami, “Mian anu momposoop roti i uno nu mangko' hingga-hinggat Aku, iamo na anu mongkabisa'i Aku.

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’

PO'ULE' INGULIT 32:15

Mian anu pinalesayamo hi Tumpu kayamo, panyo saja' moto'idek, aha to lompo-lompo', nobosumo nu kaanon. Lantas aha nompala'imo Tumpu Allah, anu Nompotimbalimo aha ka' madi'mo nongala anu nomposalamatmo aha anu daka' hondo na kuasanyo.