MAZMUR 40:3 - KITAB NU TUMPU ALLA LELE MA'IMAI'

³ Ihela'-Nyomo mae na aku da madi' nanabu' ibolo' anu mombahayaimo aijo', da madi' manabu' itampalang anu hensekon. Pinojoong-Nyomo na aku ibawo nu puge'nyo nu batu sahingga talakana' ahi' na aku kolangka-langkas.

MAZMUR 40:3 ပူးပေါင်းရင်းမြစ်များ

MAZMUR 119:133

Pohosonakon mae na langkasku susumo anu jinanji'mo nu Belento, boli opojohok na aku nukuasai nu kalakuan anu ma'idek.

MAZMUR 142:7

Palahatikan mae na anu ku kakase kalana aku sinansalamo hondo. Posalamatakon mae na aku da madi' nupoposia nu to mia-mian anu monsampobali' mae aku, kalana aha na talalo mahoson mohungku'i aku.

MAZMUR 144:9

Aku monyanyiakon hi Belento, o, Tumpu nyanyian anu sala'je ingajan, ka' onyanyiakon na mongkuti' kasapi'.

MAZMUR 27:5

Tumpu na monjagai mae aku de aku nu tokaimo mae nu kasusa'an; Ia momposuluk aku i uno nu Laigan-Nyo, ka' mohangkat aku mokiita' ibungkutnyo nu batu.

MAZMUR 33:3

Nyanyiakon na nyanyian anu salaje' ingajan bau pompuji' Tumpu, kuti' ima-ima' na kasapi' ka' pontaligalai lame-lame'!

MAZMUR 35:27

O'amalakon da mian anu kahanda' montoa aku opobee' na montaligalai ka' balame-lame'. O'amalakon da aha sabole-bole saja' montaloakon, “Totu'u ahi' talasanggo na Tumpu! Ia mongkahanda'i da salamat ahi' na posaihon-Nyo!”

MAZMUR 37:23

Tumpu montaka' mian ijalan anu nu jalani, Ia mompohoson mian anu kantumuu'annyo situju hi Ia.

MAZMUR 52:6

Tiba potatae nu beleyum atina' beleyum mongakalimo, ka' monsakitimo kinyonyoa nu mian!

MAZMUR 69:3

Aku tinopolosmo i tampalang anu maleeng hondo, madi'mo kinopanimpeja'an. Aku tinonu'mo i uee anu maleeng hondo, inganjuhakonmo nu ambai anu binundokmo.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

SISIKON NU TO RASUL-RASUL 4:4

Panyo to mia-mian anu nohongomo ajalan nu to rasul-rasul aijo', manjoo'mo na anu pinalesaya. Sahingga konjoo' nu aha nintuangmo sampe tinimbalimo kila-kila olima' na madala na mian.

ANU PINOTO'I HI YOHANES 14:3

I ahop nu kasuhangan ka' opat na malaikat tiba to pola-polaya' anu nontikubi kasuhangan aijo', 144.000 na mian aijo' nonyanyiakonmo sa'angu' na nyanyian anu sala'je i nyanyi. Nyanyian aijo' madi' opoko ala ogulu'i mau mule' pa' ihe de misa' aha anu 144.000 na mian aijo' anu pinobebasmo mae i dunia.