MAZMUR 40:11 - KITAB NU TUMPU ALLA LELE MA'IMAI'

¹¹ Lele kasalamatan aijo' madi' ola ku una' i uno nu kinyonyoa, Belento nontulungimo ka' mule' kanonongan mae nu Belento saja' ahi' ku bebakon. De sihukmo na mian anu palesayamo hi Belento, saba' aku na madi' ahi' ola momohokot panyo ku poto'i ahi' na kalibosan tiba kanonongan mae nu Belento.

MAZMUR 40:11 ပူးပေါင်းရင်းမြစ်များ

MAZMUR 23:6

Ku sumbu' na Belento manonong hondo mae hi belengku, ka' saja' mongkalibosi aku. Sahingga aku timbali jojoong i laigan nu Belento, tempo'nyo aku daagi' tutuu'.

MAZMUR 43:3

Potoamo mae na kanonongan nu Belento bau ponjingkai mae ka' mule' montaka aku, da aku minsusule'mo i Sion, puge'nyo nu Belento anu susi' ka' mambamo i Laigan kakajoongan nu Belento.

MAZMUR 57:3

Aku mongkakase momoita tulung hi Tumpu Anu Matangkas na Kuasanyo, hi Tumpu anu timbali mombau apa-apaa hi belengku.

MAZMUR 61:7

O'amalakon da itomundo' mantan na umunnyo sampe molundu-lunduakon tulunan na ia tumuu'.

MAZMUR 69:13

Aku tinimbalimo mian anu lewa' osisik iyaya mae de sihukmo na mian, ka' mule' nyanyian nu to mia-mian anu lewa' malangu mongaku aku.

MAZMUR 69:16

Boli opojohok na aku nu anjuhakon nu ambai anu bundokmo ka' bokolonmo ka' mule' tonu'mo ilana nu ambai kabai olamunmo i uno nu bolo'.

MAZMUR 85:10

Memang Ia ko kahanda' momposalamat anu tulu-tulutan. Tumpu anu talasanggo hondo jojoongmo i lipu'to aiya.

MAZMUR 89:2

Kalibosan nu Belento, o, Tumpu, saja'mo ku nyanyiakon, kanonongan nu Belento saja'mo ku bebakon sampe molundu-lundu na tulunan.

AMSAL 20:28

De Tomundo mompalentah nu kinyonyoa anu moliboa, hodi ka' adin, saba' ia tataap balakuasa.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.