MAZMUR 4:5 - KITAB NU TUMPU ALLA LELE MA'IMAI'

⁵ Langkakatanmo ahi' ka' pabuhukmo ka' bolimo ahi' mombau dosa'. Soba dudukuhakon hoko-hokot, de komamale'mo i tampat kahoyotan.

MAZMUR 4:5 ပူးပေါင်းရင်းမြစ်များ

2 SAMUEL 15:12

Lantas hau-haunyo i Absalom nonsombahkonmo koloban ia mule' ahi' nonsaimo mian namba i kota' Gilo da molaga mae i Ahitofel, sala'samian anu lewa' mompokinde'i Tomundo' Daud. Sumo aijo' na kasangaja'an anu ma'idek hi Tomundo' lebemo nompaka pahoson ka' nompaka panjoo'mo na anu mombatuki i Absalom.

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 26:1

Mazmur i Daud. Bee'i mae ka'adilan na aku, o Tumpu, kalana kinyonyoangku hodi' hondo i uno nu kantumuu'anku. Aku montaha'imani hondo Tumpu, ka' madi' hondo bata-bata maumo ola sangkiding.

MAZMUR 37:3

Palesaya hi Tumpu, ka' pombaumo palabuatan anu ma'ima' jojoongmo ilipu' aijo' ka' mingkalakuanmo ahi' tulu-tulutan.

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

MAZMUR 51:19

Koloban anu osombahkon hi Tumpu te kinyonyoa anu nohintutumo, kinyonyoa anu ta'aluk ka' balatobatmo yo madi' nu sangka anu Belento.

MAZMUR 62:8

Iamo na Tumpu anu mombee'imo mae aku kasalamatan ka' kaholomatan, Iamo na anu nonjagai mae aku ka' anu nontinjohimo mae aku anu otaha'imani.

MAZMUR 77:7

De pihimo sola'mo ku potutugakon, ka' lewa' ogogisa' i uno nu kinyonyoa.

YESAYA 50:10

O, belemiu anu moholomati Tumpu, ka' mompotombihing mae potatae nu posaihon-Nyo, jalan anu otului nu belemiu ugaat ahi' pintung madi' kojingkanyo anu monjingkai belemiu; panyo palesaya na Tumpu; paninseha hi Tumpu nu belemiu.

YESAYA 61:8

Tumpu notatae, “Aku mongka'ima'i ka'adilan ka' mongka'ideki anu saja' monsansala' tiba palabuatan ma'idek. Ku bee'je na pontamboi beleyum anu madi' sala-sala', ka' mojanji' tiba belemiu sampe toka sidu-sidutu'.

MALEAKHI 1:8

De belemiu monsombahkonmo hi beleng-Ku, binatang anu mapisok, anu masakit kabai anu pengko madi'mo moko ala lumajang, temisa' aijo' palabuatan ahi' anu madi' mingkona? Soba mombee' binatang anu susumo aijo' hi gubernur! Pa' ia sanang ahi' ka' mule' madi' nu poposia na belemiu?”

MATIUS 5:23

Kalana aijo', de sala'samian itina' hi komiu hau-haunyo monsombahkon anu obee' hi Tumpu, lantas tonginau' daagi' ko mian ma'idek na kinyonyoanyo hi ia,

PO'ULE' INGULIT 33:19

Aha nolagamo iwi-iwi' na bansa mamba i bungkutnyo nu aha ka' nonsombahkonmo koloban anu sahondo-hondonyo kiita' mae. Aha nohumpakmo kakaya'an i ambai, ka' i bone' tutuus sonibi nu ambai.”

1 PETRUS 4:19

Kalana aijo', de daagi' ko to mia-mian anu mongoa'i kasansala'an kalana sumo aijo' na nu kahanda'i nu Tumpu, jadi bala usaha ahi' da mian haha aijo' tumuu' i uno nu kahondoan ka' mompalesayakonmo ahi' butong nu aha hi anu Nompotimbalimo aha. Ia saja' mongganapi janji'-Nyo.