MAZMUR 39:7 - KITAB NU TUMPU ALLA LELE MA'IMAI'

⁷ kantumuu'annyo ola saintomboliu susumo lolung. Iwi-iwi' na anu nu kalaja madi' mingkaliangan; ia montambun halata', panyo madi' nu sumbu' pa' ihe na mompalagunakon.

MAZMUR 39:7 ပူးပေါင်းရင်းမြစ်များ

KAJADIAN 49:18

O Tumpu, kasalamatan anu obee' nu Belento aijo'mo na anu kupo-kupopea'.

AYUB 13:15

Aku sabinmo, kalana madi'mo ko anu otaha'imani! De nu silakaimo nu Tumpu Allah na aku, ku halala'akonmo na butongku aiya, panyo ku poto'i ahi' na kahondoan nu kalakuanku i ahop-Nyo.

AYUB 14:2

Ia minsumpe lantas mangkalualemo susumo bunga-bunga; susumo lolung monti-montiik madi'mo otoa.

MAZMUR 119:166

Aku montanda'imo kasalamatan anu lengkat hi Belento, o, Tumpu, palentah iwi-iwi' nu Belento ku bau.

MAZMUR 119:81

Kinyonyoangku mongka'ima'i hondo kasalamatan lengkat mae hi Belento; aku montaha'imani anu jinanji'mo nu Belento.

MAZMUR 38:15

Memang ahi' totu'u, aku sumomo mian anu madi' mohongo, sahingga kalana aijo' aku madi' monggagakon.

MAZMUR 49:11

Madi', memang ia montoaje saidi' mae saba' maumo ahi' mian anu pande suele ahi' mate. Mian anu talalo ahi' waweng ka' ponga' bubu' silaka, ka' mompala'imo halata'nyo baumo bagi nu mian sangga'at.

ANU MOMPOLELE POTATAE NU TUMPU 2:21

Saba' manusia bakalaja talalo makeke kalana mompake kapandean bapikin, ilimu', pangatahuan ka' pande na mombau apa-apaa anu nu palalui. Panyo imihinyo mae ia tionyo ahi' mompala'i iwi-iwi' hasin nu lawenyo hi mian anu madi' hondo-hondo kino lisongunyo i han aijo'. Jadi aijo' suele madi' ahi' ko gunanyo ka' mule' ahi' madi' adin!

ANU MOMPOLELE POTATAE NU TUMPU 4:8

Daagi' ko mian anu ola tumuu' sausa' madi' ko anak, kabai pe'e utus. Mau sumo aitu ia saja' makeke na mokalaja ka' kinyonyoanyo madi' toho' ma'osa na montoa halata'nyo. Obee' hi he na hasin nu kalajanyo sahingga taha-tahahumo na mokalaja ka' madi'mo mongala kasanangan? Aijo' mule' madi' kogunanyo, ka' aijo'mo na kantumuu'an anu sansala.

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.