MAZMUR 39:13 - KITAB NU TUMPU ALLA LELE MA'IMAI'

¹³ Potombihingakon mae na do'angku o Tumpu, palahatikan mae de timbali na anu ku kakase aiya; boli ola momohokot de maluanyo aku humangmo. Susumo iwi-iwi' na mompolee'ku ola sasaingoni' na aku manumpang hi Belento.

MAZMUR 39:13 ပူးပေါင်းရင်းမြစ်များ

KAJADIAN 42:36

Lantas notataemo na tuuma nu aha, “Komiu monsaduakonmo aku, da mingkotmo na anak-ku iwi-iwi'. I Yusuf i madi'mo; i Simeon i madi'mo; ka' uuka aiya komiu nongala mule' i Benyamin. Paya' na kasansala'anku!”

KAJADIAN 47:9

Tinaaman i Yakub, “Aku tinumuu'mo sa'atu ka tolumpulu'mo na taun salaku mian anu madi' tataap i sa'angu' na tampat. Kantumuu'anku saja' sinusa' ka' madi' tuu'an, de opokakanakon tiba umun nu mompolee'ku salaku mian anu madi' tataap i sa'angu' na tampat.”

KAJADIAN 5:24

Kalana kantumuu'an i Henokh saja'mo nompaha kona tiba Tumpu Allah, ia nolapusmo kalana binoamo nu Tumpu Allah.

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

1 TAWARIKH 29:15

Osumbu' nu Belento o Tumpu, saba' susumo to aha-aha mompolee' mami, kami suele monjalani kantumuu'an aiya salaku mian anu tinokaje mae kabai mian anu lengkat mae i salipu'an. Kantumuu'an mami ola sumo loolung motulu, ka' kami madi' moko ala monggoliliakon da madi' silaka.

AYUB 7:19

Hipian na Belento madi'mo montonto'i mae aku da aku ko tempo' ahi' mongegat ilungku?

MAZMUR 119:19

Ola sasaingoni' na aku jojoong i dunia aiya boli mae oposuluk hi belengku na atulan nu Belento.

MAZMUR 18:7

I uno nu kasusa'anku aku nongkakasemo hi Tumpu, aku nolobo'mo hi Tumpu-ngku mongkakase da otulungi. Kiita' mae i laigan-Nyo i hongo-Nyomo mae na potataengku ka' nontutugiakonmo mae apaa na anu kinakase'kumo.

IMAMAT 25:23

Tano' nu belemiu madi' timbali opobaluk sidu-sidutu'mo kalana tano' aijo' misa' belemiu na tumpunyo panyo anu nu Tumpu Allah. Belemiu ola susumo mian anu lengkat mae i salipu'an anu pinoloasmo da mompake tano' aijo'.