MAZMUR 39:12 - KITAB NU TUMPU ALLA LELE MA'IMAI'

¹² Manusia kalana nu saduakon nu kasala'annyo; nu hukumo nu Belento ka' nu dokemo nu Belento susumo atak nu hansunimo nu Belento apaa na anu mingguna hi ia. Memang, manusia ola susumo opuhakon nu sawo nu manusia.

MAZMUR 39:12 ပူးပေါင်းရင်းမြစ်များ

KAJADIAN 21:34

Lapas aijo' i Abraham jinojoongmo daagi gagana' pinin i lipu' nu mian Filistin.

KAJADIAN 47:9

Tinaaman i Yakub, “Aku tinumuu'mo sa'atu ka tolumpulu'mo na taun salaku mian anu madi' tataap i sa'angu' na tampat. Kantumuu'anku saja' sinusa' ka' madi' tuu'an, de opokakanakon tiba umun nu mompolee'ku salaku mian anu madi' tataap i sa'angu' na tampat.”

2 SAMUEL 16:12

Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

2 TOMU-TOMUNDO' 20:5

da po'ule' minsusule' hi Hizkia, tomundo' nu mian anu pinalesayamo hi Tumpu ka' mompoto'i potunonku sumo uuka, “Aku Tumpu, Tumpu Allah anu nusombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Ku po'alinmo na beleyum hipuan beleyum mambamo i laigan-Ku.

1 TAWARIKH 29:15

Osumbu' nu Belento o Tumpu, saba' susumo to aha-aha mompolee' mami, kami suele monjalani kantumuu'an aiya salaku mian anu tinokaje mae kabai mian anu lengkat mae i salipu'an. Kantumuu'an mami ola sumo loolung motulu, ka' kami madi' moko ala monggoliliakon da madi' silaka.

AYUB 13:28

Sahingga aku napukmo susumo kau' anu nahutakmo; susumo hude kinaanmo nu ane', aku nahu'mo.

AYUB 16:20

Aku lewa' ingalu nu to sanga-sangalungku ka' kinokojoan; aku i humang na nangadap hi Tumpu Allah nomoita tulung.

MAZMUR 102:1

Do'a nu mian anu sinansalamo ka' nalawemo hondo, nompoto'imo kasansalannyo hi Tumpu.

MAZMUR 116:3

Aku pinopobuhukmo mae nu balaa' anu monsilakai, ka mabuhuk hi anu monsilakai nontumbuhimo mae aku, sahingga aku nangada'mo ka' nabuhukmo.

MAZMUR 119:19

Ola sasaingoni' na aku jojoong i dunia aiya boli mae oposuluk hi belengku na atulan nu Belento.

MAZMUR 119:54

Aku tinumuu' ola sasaingoni' i dunia aiya atulan nu Belento binaungkumo nyanyian pompuji'-puji'.

MAZMUR 56:8

Pa' daagi' mule' ko kasalamatan na aha anu lewa'mo mombau anu ma'idek? Tambuha'imo na aha ka' silakai-Mo, o!

MAZMUR 90:9

Kantumuu'an mami kodo' kalana tambuha' nu Belento, taun-taun nu umun mami mingkot ola susumo monsawohakon sawo.

IMAMAT 25:23

Tano' nu belemiu madi' timbali opobaluk sidu-sidutu'mo kalana tano' aijo' misa' belemiu na tumpunyo panyo anu nu Tumpu Allah. Belemiu ola susumo mian anu lengkat mae i salipu'an anu pinoloasmo da mompake tano' aijo'.

2 KORINTUS 5:6

Kalana aijo' kinyonyoa mami saja' mongoa'i mahoson. Osumbu' mami saba' de kami daagi' jojoong i uno nu butong mami aiya, kami majo'onmo i laigan anu ojojoongije mami hingga-hinggat ka' Tumpu.

IBRANI 11:13

Iwi-iwi' na mian haha aijo' tataap bala'iman sampe silaka. Aha madi'mo mohumpak hahan anu jinanji'mo nu Tumpu, panyo ola montanggalakon ka' molabot aijo' mae jo'o-jo'on. Ka' aijo' mule' aha mongakui, saba' aijo' aha ola mian anu lengkat mae i salipu'an ka' anu ola jojoong madi' pin i dunia aiya.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.