MAZMUR 37:9 - KITAB NU TUMPU ALLA LELE MA'IMAI'

⁹ Salana mian anu mombau palabuatan anu ma'idek saidi' mae ogalisimo, panyo mian anu montaha'imani Tumpu ia na mompusaka'i tano' aijo'.

MAZMUR 37:9 ပူးပေါင်းရင်းမြစ်များ

MAZMUR 25:13

Aha saja' tumuu' bilahi, makumpu nu aha na montoongimo tano' pusaka' nu aha.

MAZMUR 37:29

Mian anu bala iman hondo na mompusaka'i tano' aijo' ka' monjojoongi sampe toka sidu-sidutu'.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

AMSAL 2:21

Kalana, mian anu tumuu' mombatuki pongka'oho' nu Tumpu Allah, aijo'mo na mian anu hodi' na kinyonyoanyo, ahamo na anu jojoong i lipu' anu jinanji'mo nu Tumpu.

YESAYA 57:13

De belemiu moloboo' bakas da patongje haha aijo' na momposalamat belemiu! Aha molapusmo na nolahabakon nu baleba', ka' madi'mo daagi' ko anu otoa mau ola minsan na tolo husa! Panyo mian anu minsondo' hi beleng-Ku ia na mongkuasai lipu' aijo' ka' monsombahmo Aku i laigan-Ku.”

YESAYA 58:14

Sahingga belemiu lame'mo kalana nontulutimo Aku. Ku pojadimo na belemiu oholomati isongko-songko na dunia. Belemiu sanangmo na tumuu' kalana hasin nu tano' pusaka' i Yakub mompolee' nu belemiu. Aku, Tumpu na notataemo.”

YESAYA 60:21

Mian anu jojoong atina' hi beleyum saja'mo mian anu toto adi-adin, aha mohumpakmo lipu' anu sampe toka sidu-sidutu'. Aha sumomo anu cinangko' anu Aku na nosu'an, da bau pomponyata' saba' Aku anu ahi' oholomati.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

NOMBILANGMO 26:65

Pinoto'imo nu Tumpu tukoonyo aha iwi-iwi' tionyo ahi' silakamo i padang bola. Ka' memang aha sinilakamo iwi-iwi' me i Kaleb anak i Yefune tiba i Yosua anak i Nun, na anu daagi' tutuu'.

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

YOSUA 14:9

Jadi kalana aijo', i Musa nonjanji'mo tukoonyo tano' anu jinalanankumo memang obee'mo hi belengku ka' hi to ana-anaku da kamimo na tumpunyo sampe toka sidu-sidutu'.

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”