MAZMUR 37:40 - KITAB NU TUMPU ALLA LELE MA'IMAI'

⁴⁰ Nu tulungi na aha ka' mule' Nu posalamat ka' Nu poluput na aha da madi' nu silakai nu to mia-mian anu ma'idek na kinyonyoanyo, kalana aha ninsondo'mo hi Ia.

MAZMUR 37:40 ပူးပေါင်းရင်းမြစ်များ

1 TAWARIKH 5:20

Suludadu haha aijo' palesaya hi Tumpu Allah ka' nomoitamo tulung hi Ia, sahingga pinopoi'mo nu Tumpu na anu pinoita nu aha ka' nombee'imo ka'untungan nahampate na aha mian nu Hagri haha aijo' tiba anu nonsangaja'imo aha.

MAZMUR 17:13

Tinjomo mae, o Tumpu, ewakonmo na sampobali'ku ka' patundu'mo na aha. Posalamatakon mae na aku nu bajak nu Belento, de aku nulambanimo mae nu mian anu ma'idek na kinyonyoanyo.

MAZMUR 27:2

De aku nu tumbuhi mae nu mian anu ma'idek na kinyonyoanyo anu kahanda'mo mompatei mae aku ahamo ahi' na tosumpun ka' tombahangkangmo.

MAZMUR 34:20

Manjoo' hondo na kasansala'an nu oa'i nu mian anu manonong, panyo nu pobebasmo nu Tumpu na ia ihan aijo' iwi-iwi'.

AMSAL 20:22

Boli mombalosi ka'idekan tiba ka'idekan palesaya na Tumpu, Ia na anu montulungije.

YESAYA 31:5

Susumo sa'angu' na tomonsi' lewa'mo mompapa'i aita' i petaanyo monjagai soma'nyo, sumo aijo'mo na Aku, Tumpu Anu Daka' na Kuasanyo monjagai, montinjohi ka' mule' momposalamat Yerusalem.”

YESAYA 46:4

Aku tataap Tumpu nu beleyum sampe belemiu langkai'mo ka' bengkele'mo; ka' tataap monjagai belemiu sampe belemiu uanonmo. Aku na nompotimbalimo belemiu ka' tataap ahi' mompotuu' belemiu. Aku na montulungi ka' momposalamat belemiu.

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

DANIEL 3:28

Lantas notataemo na i tomundo', “Opuji' na Tumpu anu nu sombah i Sadrakh, i Mesakh tiba i Abednego. Ia na nonsaimo mae malaekat-Nyo da momposalamat aha totototolu' na to posa-posaihon-Nyo anu palesaya hi Ia. Aha nolanggaimo palentah-ngku ka' lebe mongka'ima'i mate de mule' monsombah kabai mompopodaka' pilogot mau pa' iyamae, ola ahi' bailako' Tumpu nu aha.

DANIEL 6:23

Tumpungku nonsaimo mae malaekat-Nyo nonggintumo nganga' nu singa haha aijo' sahingga aha madi'mo nompoposia aku. Ia nomposalamatmo aku aiya kalana Nu sumbu' na aku aiya madi' ko kasala'an hi Ia ka' mule' hi belento Tuanku.”

1 YOHANES 5:18

Osumbu'to saba' iwi-iwi' na mian anu tinimbalimo to ana-anak nu Tumpu, madi' sabau-baunyomo dosa', kalana Anak nu Tumpu Allah na monjagai ia, ka' Anu Ma'idek madi'mo moko ala mombau apa-apaa hi ia.