MAZMUR 37:39 - KITAB NU TUMPU ALLA LELE MA'IMAI'

³⁹ Nu posalamat nu Tumpu na mian anu bala iman hondo; ka' Nu jagai na aha de ko kasusa'anmo.

MAZMUR 37:39 ပူးပေါင်းရင်းမြစ်များ

1 TAWARIKH 5:20

Suludadu haha aijo' palesaya hi Tumpu Allah ka' nomoitamo tulung hi Ia, sahingga pinopoi'mo nu Tumpu na anu pinoita nu aha ka' nombee'imo ka'untungan nahampate na aha mian nu Hagri haha aijo' tiba anu nonsangaja'imo aha.

2 TAWARIKH 32:22

Sumo aijo' na balu-balu'nyo Tumpu nompobebas i Tomundo Hizkia ka' mian anu jojoong i Yerusalem da madi'mo nukuasai i Sanherib tomundo nu Asyur ka' sampo bali' nu aha sangga'at. Binee'anmo nu Tumpu kantumuu'an anu ma'ima' na aha ka' madi'mo ko kalaja'an sangga'at anu mompaha ohani mompoposia aha.

MAZMUR 28:7

Tumpu na monjagai mae aku ka' anu montinjohi mae aku, aku pinalesayamo hi Ia. Ia nontulungimo mae ka' nompolame'mo kinyonyoangku, aku mompuji'mo Ia nu nyanyian anu bau pontalima kaseh.

MAZMUR 3:8

Posalamatakon mae na aku, o Tumpu-ngku, hukumakon ka' pengko'iakon na aha iwi-iwi' anu mongewa mae aku.

MAZMUR 34:20

Manjoo' hondo na kasansala'an nu oa'i nu mian anu manonong, panyo nu pobebasmo nu Tumpu na ia ihan aijo' iwi-iwi'.

MAZMUR 46:1

Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

MAZMUR 46:2

Tumpu aijo'mo na pinsondo'an ka' timbali kahosonanto; Ia saja' sasadia ka' moko ala ahi' montulungi i uno nu kasusa'an.

MAZMUR 62:2

Santuu'ku madi'mo mabuhuk kalana montanda'imo Tumpu, olamo samata-mata lengkat mae hi ia na kasalamatanku.

MAZMUR 9:10

Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.

MAZMUR 9:9

Adin hondo na ia mompalentah to bansa-bansa ka' momputusi aha madi' tageo'.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

AMSAL 11:8

Mian anu palesaya totu-totu'u madi' nukona nu kasusa'an; panyo anu ma'idek na kinyonyoanyo mohumpak hahan anu molewot.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 33:2

O, Tumpu, kalibosiakon mae na kami. Belentomo na anu otaha'imani mami. Jagaiakon mae na kami sansina-sinaa ka' posalamatakon mae na kami de kami sakisamo.

YEREMIA 15:20

Beleyum Ku potimbalimo sumo benteng tambaga da madi'mo nu poko pinsoopi mae nu aha. Aha saidi' mae mompahampateakonmo beleyum panyo madi' ahi' moko ala mompatundu' beleyum. Ku sangaluimo na beleyum da ojagai ka' momposalamat beleyum.

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

YUNUS 2:9

Panyo aku monyanyiakonmo bau pompuji Belento ka' kusombahkonmo na koloban hi Belento. Batu-batu anu jinanji'kumo ku sidahimo Belentomo na Tumpu anu momposalamat.”

EFESUS 2:8

Tumpu mongkalibosi komiu, aijo' na sababnyo Ia momposalamat komiu kalana komiu pinalesayamo hi Yesus. Kasalamatan miu atina' misa' posi hasin nu usaha miu. Aijo' te balakat nu Tumpu. Jadi, madi' ko samian pe'e na anu timbali mongkabubuulakon posi butongnyo mongkona han aijo'.

KOLOSE 1:11

O'amalakon da kuasa anu lengkat mae hi Tumpu anu talasanggo, komiu opohoson, sahingga komiu moko ala sabaan na mongoa'i sansala i han iwi-iwi', ka' sabaan ka' sanang na kinyonyoa

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.