MAZMUR 37:34 - KITAB NU TUMPU ALLA LELE MA'IMAI'

³⁴ Tumpumo ahi' na otaha'imani ka' tulutimo nam palentah-Nyo, sahingga Nu hangkatmo na beleyum da mompusaka'imo tano' aijo'; nu toaje na mian anu ma'idek na kinyonyoanyo ogalisimo.

MAZMUR 37:34 ပူးပေါင်းရင်းမြစ်များ

AYUB 17:9

Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

MAZMUR 112:8

Ia madi' bata-bata kabai mabuhuk, kalana nu palesaya hondo sampobali'nyo tionyo nu patundu'.

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

MAZMUR 25:13

Aha saja' tumuu' bilahi, makumpu nu aha na montoongimo tano' pusaka' nu aha.

MAZMUR 27:14

Sabole-bole ahi' taha'iman hi Tumpu, pohoson ka' bolimo mongabali' na kinyonyoa nu beleyum; ingat, sabole-bole ahi' taha'iman hi Tumpu.

MAZMUR 37:3

Palesaya hi Tumpu, ka' pombaumo palabuatan anu ma'ima' jojoongmo ilipu' aijo' ka' mingkalakuanmo ahi' tulu-tulutan.

MAZMUR 37:7

Tanda'imo na Tumpu nu kinyonyoa anu saban popea' nu kasabanan, Iaje ahi' na montindaki. Boli bata-bata kalana mian anu kinohasinnyomo i uno nu kantumuu'annyo kabai anu nombaumo palabuatan sola mongakali.

MAZMUR 37:9

Salana mian anu mombau palabuatan anu ma'idek saidi' mae ogalisimo, panyo mian anu montaha'imani Tumpu ia na mompusaka'i tano' aijo'.

MAZMUR 91:8

De beleyum montoa atina' titikub hi beleyum beleyum montoamo mian anu ma'idek na kinyonyoanyo, kinonamo nu pombalosakon.

MAZMUR 92:12

Aku nontoamo anu nompobali' mae nahungku'mo, to mia-mian anu tinontinjomo nongewa mae aku, iwi-iwi' na tanga'an nu aha anu ma'idek i hongongkumo.

AMSAL 16:17

Mian anu manonong matikojo'on ipalabuatan anu ma'idek; mian anu mompalahatikan kantumuu'annyo alati'nyo monjagai butongnyo.

AMSAL 20:22

Boli mombalosi ka'idekan tiba ka'idekan palesaya na Tumpu, Ia na anu montulungije.

AMSAL 29:16

De mian anu ma'idek na kinyonyoanyo na balakuasa anu mombau anu ma'idek konjojoo'nyomo. Panyo mian anu madi'tageo' na kinyonyoanyo daagi montoa kahansunan nu mian anu ma'idek na kinyonyoanyo.

YESAYA 57:13

De belemiu moloboo' bakas da patongje haha aijo' na momposalamat belemiu! Aha molapusmo na nolahabakon nu baleba', ka' madi'mo daagi' ko anu otoa mau ola minsan na tolo husa! Panyo mian anu minsondo' hi beleng-Ku ia na mongkuasai lipu' aijo' ka' monsombahmo Aku i laigan-Ku.”

MATIUS 24:13

Panyo mian anu balatahan toka i mihinyo, timbali o posalamat.

LUKAS 14:11

Kalana batu-batu mian anu mohangkat butongnyo, tionyo otauhakon, panyo anu mongalukakon butongnyo o hangkat.”

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

1 PETRUS 5:6

Kalana aitu, pati'alukakon na butong nu belemiu i aluk nu lima nu Tumpu anu maho-mahoson, da Nu hangkat na belemiu de tokamo na tempo'nyo.