MAZMUR 37:3 - KITAB NU TUMPU ALLA LELE MA'IMAI'

³ Palesaya hi Tumpu, ka' pombaumo palabuatan anu ma'ima' jojoongmo ilipu' aijo' ka' mingkalakuanmo ahi' tulu-tulutan.

MAZMUR 37:3 ပူးပေါင်းရင်းမြစ်များ

KAJADIAN 26:2

Han aijo' binaunyo kalana Tumpu nanintoamo hi ia ka' notatae, “Boli mamba mokiijo' i Mesir; jojoongmo i lipu' aiya susumo anu pinalentahkon-Kumo hi beleyum.

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

1 TOMU-TOMUNDO' 19:6

I Elia noposilele'mo duhu-duhuk, lantas nontoamo koko ubaknyo saangu' na roti anu tinunu ka' selekan ko isinyo uee. Kinaannyomo ka' inginumnyomo, lapas aijo' po'ule' mule' ia nale'.

MAZMUR 26:1

Mazmur i Daud. Bee'i mae ka'adilan na aku, o Tumpu, kalana kinyonyoangku hodi' hondo i uno nu kantumuu'anku. Aku montaha'imani hondo Tumpu, ka' madi' hondo bata-bata maumo ola sangkiding.

MAZMUR 33:19

Ia na momposalamat aha da madi' silaka ka' mompotumuu' aha de tokamo mae na kasusa'an i anu okaan.

MAZMUR 4:5

Langkakatanmo ahi' ka' pabuhukmo ka' bolimo ahi' mombau dosa'. Soba dudukuhakon hoko-hokot, de komamale'mo i tampat kahoyotan.

MAZMUR 62:8

Iamo na Tumpu anu mombee'imo mae aku kasalamatan ka' kaholomatan, Iamo na anu nonjagai mae aku ka' anu nontinjohimo mae aku anu otaha'imani.

AMSAL 3:5

Opalesaya na Tumpu nu kinyonyoa totu-totu'u ka' boli montaha'imani posi pangalati'an nu belemiu.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

YESAYA 50:10

O, belemiu anu moholomati Tumpu, ka' mompotombihing mae potatae nu posaihon-Nyo, jalan anu otului nu belemiu ugaat ahi' pintung madi' kojingkanyo anu monjingkai belemiu; panyo palesaya na Tumpu; paninseha hi Tumpu nu belemiu.

LUKAS 22:35

Lapas aijo' i Yesus notatae hi aha, “U'utumae tempo'nyo Aku nonsai komiu, madi' nompobee' komiu momboa dompet, botutu, kabai sapatu, kabai kinakulangan apa-apaa na komiu?” “Madi'!” tinaaman nu aha.

PO'ULE' INGULIT 30:20

Kanonongi na Tumpu Allah nu belemiu, otuluti na Ia ka' obau apaa na anu pinoto'i-Nyomo. Sahingga belemiu ka' lee' nu belemiu mantan na umun i lipu' anu jinanji'mo nu Tumpu hi mompolee' nu belemiu, hi Abraham, hi Ishak ka' hi Yakub.”

1 SAMUEL 26:19

O Tomundo' potombihing mae pe'e na potataengku aiya. De belento Tomundo' pinokau nu Tumpu mongewa mae aku yo anu osombahkon na koloban timbali momposabaan kinyonyoa-Nyo da bolimo montambuha'i mae aku. Panyo de anu nompokau belento Tomundo' aijo' manusia, o'amalakon da aha nu kutuki nu Tumpu! Kalana palabuatan nu aha aijo' sahingga aku ilaa'mo da nompala'imo tano' anu nu Tumpu, sahingga nambamo ahi' ilipu' sangga'at sahingga aku nonsombahmo to pilo-pilogot nu aha anu isalipu'an.