MAZMUR 37:29 - KITAB NU TUMPU ALLA LELE MA'IMAI'

²⁹ Mian anu bala iman hondo na mompusaka'i tano' aijo' ka' monjojoongi sampe toka sidu-sidutu'.

MAZMUR 37:29 ပူးပေါင်းရင်းမြစ်များ

MAZMUR 25:13

Aha saja' tumuu' bilahi, makumpu nu aha na montoongimo tano' pusaka' nu aha.

MAZMUR 37:11

Mian anu madi' buulon na saidi' mae mompusaka'i tano' aijo', ka' monta'up kantumuu' anu ma'ima' ka' molabi-labi.

MAZMUR 37:18

Tumpu monjagai kantumuu'an nu mian anu bala iman hondo, halata' pusaka' nu aha tataap sampe toka sidu-sidutu'.

MAZMUR 37:27

Pala'imo na palabuatan anu ma'idek ka' baumo na anu ma'ima', sahingga sampe toka sidu-sidutu' lee' nu beleyum na monjojoongi tano' aijo'.

MAZMUR 37:9

Salana mian anu mombau palabuatan anu ma'idek saidi' mae ogalisimo, panyo mian anu montaha'imani Tumpu ia na mompusaka'i tano' aijo'.

AMSAL 2:21

Kalana, mian anu tumuu' mombatuki pongka'oho' nu Tumpu Allah, aijo'mo na mian anu hodi' na kinyonyoanyo, ahamo na anu jojoong i lipu' anu jinanji'mo nu Tumpu.

YESAYA 57:13

De belemiu moloboo' bakas da patongje haha aijo' na momposalamat belemiu! Aha molapusmo na nolahabakon nu baleba', ka' madi'mo daagi' ko anu otoa mau ola minsan na tolo husa! Panyo mian anu minsondo' hi beleng-Ku ia na mongkuasai lipu' aijo' ka' monsombahmo Aku i laigan-Ku.”

YESAYA 60:21

Mian anu jojoong atina' hi beleyum saja'mo mian anu toto adi-adin, aha mohumpakmo lipu' anu sampe toka sidu-sidutu'. Aha sumomo anu cinangko' anu Aku na nosu'an, da bau pomponyata' saba' Aku anu ahi' oholomati.

PO'ULE' INGULIT 30:20

Kanonongi na Tumpu Allah nu belemiu, otuluti na Ia ka' obau apaa na anu pinoto'i-Nyomo. Sahingga belemiu ka' lee' nu belemiu mantan na umun i lipu' anu jinanji'mo nu Tumpu hi mompolee' nu belemiu, hi Abraham, hi Ishak ka' hi Yakub.”

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”

2 PETRUS 3:13

Panyo kita montanda'imo apaa na anu jinanji'mo nu Tumpu Allah, aijo'mo langit anu bu'ou ka' tano' anu bu'ou, anu daagi'mo ko ka'adilan-Nyo.

ANU PINOTO'I HI YOHANES 21:7

To mia-mian anu inguntungmo i uno nu kasabalan montalimaje hahan aijo' hi Beleng-Ku. Aku timbalimo Tumpunyo, ka' ia timbalimo anak-Ku.