MAZMUR 37:25 - KITAB NU TUMPU ALLA LELE MA'IMAI'

²⁵ Salatanmo pe'e aku daagi' olitau sampe aku ilangkai'mo ma'isa toho' aku nontoa mian anu ma'ima' na kinyonyoanyo nu pala'i nu Tumpu, kabai lee'nyo tinimbalimo mian anu ola saja' momoita apa-apaa hi mian.

MAZMUR 37:25 ပူးပေါင်းရင်းမြစ်များ

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

AYUB 15:23

Tomonsi' bonyia' nontanda'imo pa' hipian na tempo'nyo ia silaka, aha majo'ko'mo na mongkaan bangke'nyo. Jadi sininsumbu'mo na ia taalu' pinintungmo na kantumuu'annyo anu aiya mae i ahopnyo.

AYUB 4:7

Soba tutugi, pa' toho' ko mian anu madi' ko sala'nyo nutokai mae nu susa' ka' balaa'?

MAZMUR 109:10

Bakas da to ana-anaknyo lewa' mamba momoita hi mian iyaya mae ka' olaa'mo da bolimo jojoong i laigannyo anu nohobo'mo aijo'.

MAZMUR 112:2

To ana-anaknyo na mongkuasaije lipu' aiya, lee' nu mian anu manonong obalakati.

MAZMUR 25:13

Aha saja' tumuu' bilahi, makumpu nu aha na montoongimo tano' pusaka' nu aha.

MAZMUR 37:28

Kalana Tumpu na mongka'ima'i ahi' palabuatan anu ma'ima' ka' adin, mian anu tulu-tulutan hi Ia madi' ola Nu pojohok tumuu' susa'. Ia monjagai aha sampe toka sidu-sidutu', panyo lee' nu mian anu ma'idek na kinyonyoanyo na opateimo ahi'.

MAZMUR 59:15

De malomo aha minsusule'mo mae mohu'akonmo mae susumo dedeng ka' montikubimo mae kota'.

MAZMUR 71:18

O Tumpu, boli opala'i na aku, sangkut aku langkai'mo ka' bengkele'mo ka' uanonmo, da kabaanian ka' kuasa nu Belento ku bebakon, hi iwi-iwi' na tulunan anu aiya mae i ahop.

MAZMUR 71:9

Boli ola aku nu'alin nu Belento de aku langkai'mo kabai Bengkele'mo, boli opala'i na aku de aku madi'mo mahoson,

MAZMUR 94:14

Kalana Tumpu madi' hondo mompala'i mian anu palesayamo hi Ia; ia madi' ola mompojohok anu tinimbalimo pusaka'Nyo.

AMSAL 13:22

Mian anu manonong mombee' kakaya'annyo hi to maku-makumpunyo, panyo kakaya'an nu mian anu baladosa' opo una'mo hi mian anu hodi' na kinyonyoanyo.

YESAYA 13:16

Nu sakisimo nu aha na to bunga-bunga mea' nu aha ohansunimo, ka' mule' laigan nu aha iwi-iwi' otongkalimo ka' mule' to bengke-bengkele' nu aha opakisamo na mompatiduhusi.”

SISIKON NU TO RASUL-RASUL 21:16

To pia-piangkuka na aha utus lengkat i Kaisarea namba suele nohingga-hinggat tiba kami da molaya' kami mokiijo' i laigan hi Manason, kalana i laigannyo na kasonso'an mami. (I Manason atina'mo na mian nu Siprus anu pininmo na tinimbali anu saja' mombatuki Yesus.)

2 KORINTUS 4:9

Manjoo' na anu monsampobali kami, panyo madi' toho' kami oposi pala'i. Ka' mau mule' toto minsan kami obanda sampe tohumpuk panyo kami madi' mate.

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”

YOSUA 1:5

Madi' ko samian pe'e na anu moko ala mohungku'i beleyum, Yosua de beleyum daagi' tumuu': Kalana Aku saja' monsangalui susumo naipuan mae Aku nonsangaluimo i Musa. Aku madi' mompala'i beleyum.

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.