MAZMUR 37:21 - KITAB NU TUMPU ALLA LELE MA'IMAI'

²¹ Mian anu ma'idek na kinyonyoanyo monsabon hi mian ka' madi'mo daagi' monsule'akon panyo mian anu ma'ima' na kinyonyoanyo na mombee'i ahi' ka' sanang ahi' na kinyonyoanyo.

MAZMUR 37:21 ပူးပေါင်းရင်းမြစ်များ

MAZMUR 112:5

Mohumpak ka'ima'an na mian anu manonong ka' sanang na monsaboli ka' madi' tageo' i uno nu iwi-iwi na ulusan.

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

AMSAL 22:7

Mian anu kasiasi nu kuasai nu mian anu kaya; mian anu monsabon nukuasai numian anu momposabonakon.

YESAYA 32:8

Panyo anu manonnong nakalakuannyo na saja' ahi' montanga'i palabuatan manonong ka' mombau apa-apaa saja' ahi' manonong.

LUKAS 6:30

De mian mompoita apa-apaa hi beleyum, bee'mo na aijo' hi ia, ka' de anu miu o agoi bolimo po'ule' opoita.

SISIKON NU TO RASUL-RASUL 11:29

Sahingga iwi-iwi' anu saja' mombatuki Yesus nomposa'angu'mo tanga'an da mompakatu pontulungi hi to utu-utus anu jojoong i Yudea; toto samian mompakatu yayamo anu nu poko ala.

SISIKON NU TO RASUL-RASUL 20:35

I iwi-iwi' na han, aku nombee'imo sonto' hi komiu saba' kalana mokalaja totu-totu'u montulungimo to mia-mian anu madi' mahoson. Kalana tionyo ahi' o inau'to apaa na anu pinosi taloakonmo i Tumpu Yesus, ‘Lebe sanang na mombee'i ka' de mule' ola montalima.’ ”

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.

PO'ULE' INGULIT 28:12

Tumpu montudunakonje ujan de tokamo na lonunyo lengkat mae itampat pinompo'una'an-Nyo anu mabohos hondo aita'mae i langit. Ia mombalakatije iwi-iwi' apaa na anu obau nu belemiu, sahingga belemiu momposabonakonmo hi to bansa-bansa, panyo belemiu madi'mo palalu monsabon.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.