MAZMUR 37:15 - KITAB NU TUMPU ALLA LELE MA'IMAI'

¹⁵ Panyo mian anu ma'idek na palabuatannyo nu posi jalo'je nu bajaknyo, pelet nu aha saidi' mae opaha pato'imo.

MAZMUR 37:15 ပူးပေါင်းရင်းမြစ်များ

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

ESTER 9:16

To mia-mian nu Yahudi anu jojoong i propinsi-propinsi suele sinihukmo ka' nosa'angu'mo da mahampatemo na aha. Aha nompatundu'mo sampobali' nu aha ka' nompateimo 75.000 na mian anu mongka'ideki aha. Panyo aha madi' montololangi anu nu mian.

ESTER 9:22

Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.

MAZMUR 34:22

Mian anu ma'idek na palabuatannyo silaka kalana palabuatannyo ma'i-ma'idek mian anu mongka'ideki mian anu balaiman hondo mohumpak hukuman.

MAZMUR 35:8

Sahanyo aha nu tokai mae nu kasilaka'an anu madi' osangka-sangka. Sahanyo aha ohakop nu posi so'o nu aha lantas tombahangkangmo ka' silakamo.

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

MAZMUR 46:9

Imbo' toa pa' apaa na anu binaumo nu Tumpu; talalo ahi' okabangangi na anu binau-Nyomo i dunia aiya!

YESAYA 37:38

Daagi' kinosansinaan hau-haunyo monsombah pilogot nu aha ilaigan nu Pilogot Nisrokh, ia pinateanmo i Adramelekh tiba i Sarezer tinabas nu aha nu bajak, aijo' aha to ana-anaknyo anu to momo ane. Lapas aijo' aha nopalaimo namba i Ararat. Sahingga i Esarhadon, anaknyo momo ane sangga'at na nombolosakon binau tomundo'.

YEREMIA 51:56

Aha tinokamo nongidei Babel, nompaha hakopakonmo to sulu-suludadu nu aha ka' nompato'imo sinin na toongon anu bau pahampate nu aha. Akumo na Tumpu anu mohukum palabuatan anu ma'idek, ka' Babel Ku balosakonmo sitimbang tiba palabuatannyo.

HOSEA 1:5

Tempo'nyo aijo' i Bangka'nyo nu Yizreel Aku nohansuni mo kahosonan nu suludadu nu Israel.”

HOSEA 2:18

Tempo'nyo aijo' Aku mombaumo palajanjian tiba iwi-iwi' na ngahannyo nu binatang da aha boli mompoposia mian-Ku anu palesayamo. Madi'mo Ku pobee' na mahampate ka' mongalinimo to paka-pakakas anu bau pahampate aijo' i lipu' nu mian-Ku anu palesayamo aijo', ka' mombau aha da tumuu' sanang ka' amanmo.

MIKHA 5:6

Aha mian nu Israel anu daagi' tinontuha' timbalimo susumo dondu'ok ka' loop hondo anu lengkat mae hi Tumpu da bau bagi nu to bansa-bansa ka' mule' susumo ujan tudunmo mongujani sosu'anon. Aha palesaya memo ahi' hi Tumpu ka' misa'mo hi manusia.

1 SAMUEL 2:4

Pompelet nu mian anu baani nopato'mo, panyo mian anu madi' mahoson nompaka pahosonmo.

1 SAMUEL 31:4

Lantas pinoto'inyomo hi olitau nau lewa' momboakon toongonnyo, “Keat na bajak nu beleyum ka' tabas mae na aku, da aku boli nu kabisa'i ka' nu patei nu mian haha aijo' anu madi' monsumbu' Tumpu.” Panyo olitau aijo' madi' mongka'oho' nontabas, kalana talalo hondo nu adati. Kalana aijo' i Saul nongalamo posi bajaknyo ka' pinota'annyo ka'ihampabakonnyomo na butongnyo nokiijo' i bajaknyo.