MAZMUR 37:14 - KITAB NU TUMPU ALLA LELE MA'IMAI'

¹⁴ Mian anu ma'idek na kinyonyoanyo mongkeatmo bajaknyo ka' mompeletakonmo pana'nyo da opateimo na mian anu kasiasi ka' anu kantumuu'annyo sansala, da okolotmo na mian anu kantumuu'annyo ma'ima.

MAZMUR 37:14 ပူးပေါင်းရင်းမြစ်များ

ESTER 5:14

Nohongo potatae aijo' bengkele'nyo ka' iwi-iwi' na to sanga-sangalunyo nombee'imo pikilan sumo uuka, “Pokaumo na mian mombau ohi' tangka-tangkas uampulu' ka' ohua' na meten. Lantas dodop subu-subu pomoitamo kaloasan hi tomundo da opokalayo'mo na i Mordekhai i ohi' aijo'. Tiba jalan anu sumo aijo' sanangmo na kinyonyoa nu beleyum mamba mongkaan.” Pikilan anu binee' nu aha aijo' ma'ima' hondo na tinutugan i Haman, kalana aijo' i sampamo nokibau ohi' bau pompokalayo'an aijo'.

MAZMUR 11:2

Kalana mian anu ma'idek na kinyonyoanyo mompana'akonmo mae pana'nyo ka' nompokonamo hihisnyo kahanda'mo nu pana'akon i tampat anu pintung hi mian anu madi' tageo' na kinyonyoanyo.

MAZMUR 35:10

Sahondo-hondonyo na kinyonyoangku montaloakon, “Tumpu, Belento madi' koanu timbali pompokakanakonan! Belento nompobebasmo anu madi' mahoson da madi'mo nu kuasai nu anu mahoson, Anu kasiasi ka' sansala da madi'mo sola' obee' kasansala'an.”

AMSAL 29:10

Mian anu madi'tageo' na kinyonyoanyo nuka'ideki nu mian anu ka'oho mompatei, panyo nusangaja'i nu mian anu manonong.

AMSAL 29:27

Mian anu manonong madi' mongka'ima'i mian anu ma'idek na kinyonyoanyo; mian anu ma'idek na kinyonyoanyo mongka'ideki mian anu manonong.

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?

SISIKON NU TO RASUL-RASUL 12:11

Ilapas aitu, atina'je ka' i Petrus tinolo sukap i apaa na anu jinadimo hi ia, lantas ia notatae, “Uuka aiya sinumbu'kumo taalu' i Tumpu totu-totu'u nonsaimo mae malaikat-Nyo da molapasakon aku i kuasa i Herodes ka' lengkat i sangga-sangga'atan anu nubau nu bansa Yahudi hi belengku.”

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

1 YOHANES 3:12

Boli kita sumo i Kain, anu tinimbalimo anak nu Ibilis ka' nompateimo posi Utusnyo. Apaa na sababnyo i Kain nompateimo Utusnyo? Kalana hahan anu binaunyomo aijo' sala', panyo hahan anu binaumo nu Utusnyo aijo' totu'u.

1 SAMUEL 24:11

Uuka aiya posi belento Tomundo' nonsumbu'mo taalu' kiijo' i unonyo nu bolo' sabenannyo Tumpu nombee'mo belento Tomundo' hi belengku aiya. Aku sinale'anmo nu sala' samian da opateimo na belento Tomundo' panyo aku aiya madi' nontuluti. Tinaamanku tukoongku aku madi' mongka'oho' mombau anu ma'idek hi Tomundo'ku anu pinile'anmo nu Tumpu.

1 SAMUEL 24:17

Noko taloakon na i Daud potataenyo aijo', notataemo na i Saul, “Tebeleyumo atina' na i Daud anakku?” Lantas i humangmo na ia.