MAZMUR 37:12 - KITAB NU TUMPU ALLA LELE MA'IMAI'

¹² Mian anu ma'idek na palabuatannyo saja' montanga'i anu ma'idek hi aha mian anu ma'ima na palabuatannyo, ka' montoa ia kinyonyoa mongka'ideki.

MAZMUR 37:12 ပူးပေါင်းရင်းမြစ်များ

KAJADIAN 39:16

Lantas bengkele' i Potifar nonguna'mo juba' aijo' sampe langkai'nyo ninsusule' mae.

ESTER 3:5

I Haman notambuha'mo hondo salatan ihongonyomo na i Mordekhai madi' mongka'oho' toka mae tolodadupu monsosak ia.

ESTER 3:6

Ka' salatan sinumbu'nyomo taalu' i Mordekhai mian nu Yahudi, ia nongalamo kaputusan mohukum i Mordekhai, ka' misa' ola ia, panyo iwi-iwi' suele na bansa Yahudi anu i kalaja'an Persia nu pateimo.

ESTER 5:13

Panyo iwi-iwi' aijo' madi' ko kaliangannyo de daagi' ku toa na i Mordekhai, aha mian nu Yahudi aijo', sumuhang i sabatan daka' i laigan nu tomundo.”

MAZMUR 31:13

Aku kinolilimanmo susumo mian anu sinilakamo, ka' mule' tinimbalimo susumo balang anu ingalinmo.

MAZMUR 34:22

Mian anu ma'idek na palabuatannyo silaka kalana palabuatannyo ma'i-ma'idek mian anu mongka'ideki mian anu balaiman hondo mohumpak hukuman.

MAZMUR 35:16

Aha sabole-bolemo ahi' saja' mongkokojoi mae aku, mian anu ilupe'mo ka' mongka'idekimo mae na aha montoa aku.

MAZMUR 37:32

Mian anu ma'ima' na kinyonyoanyo saja' nu doyoni nu mian anu ma'idek na kinyonyoanyo anu moliomo kasampatan da mompateimo ia.

DANIEL 8:12

Lantas mian haha kiijo' mae nontampu'unimo binaladosa' ka' madi'mo nonsombahkon to kolo-koloban anu tionyo ahi' obau na aijo'. Sahingga jalannyo mosia na monsombah Tumpu ingalinmo nokaiyong i tano'. Tanduk aijo' inguntungmo i uno nu iwi-iwi' na palabuatannyo.

DANIEL 8:24

Ia timbalimo mahoson hondo, panyo madi' ola posi kahosonannyo. Ia mompotokamo mae kasusa'an anu okabuhuk ka' maumo pa'apaa na anu nu bau tionyo ahi' jadi. Ia mohopu'imo to mia-mian anu to babaani ka' mule' mian anu palesayamo hi Tumpu.

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.

MATIUS 26:16

Imulaan tempo'nyo aijo', i Yudas noliomo tempo' anu ma'ima' da mongkabisa'imo Yesus.

MATIUS 26:4

Aha binasale'mo da mohakopmo i Yesus hoko-hokot, ka' mompatei Ia.

1 SAMUEL 18:21

Binapikin na ia, “Sahanyo ku sale'imo na i Mikhal da mongalamo i Daud, da tiba jalan aijo' i Daud opoko alamo nu patei nu aha mian Filistin.” Jadi pinduanmo na i Saul notatae hi Daud, “Uuka aiya beleyum baumo monianku.”